# سورۃ الحجر

> سورۃ الحجر (پتھریلی وادی) مکمل: عربی متن اور مولانا محمد جوناگڑھی کا اردو ترجمہ آیت بہ آیت، اور 9 قاریوں کی آواز میں تلاوت۔ مکہ میں نازل ہونے والی سورۂ حجر…

ماخذ: https://yasinsurah.com/ur/surah-al-hijr/  
آخری تجدید: 2026-11-16T00:38:32+03:00

سورت 15 از 114 · پارہ 14

99 آیات · مکی · ترتیبِ نزول: نمبر 54

مکہ میں نازل ہونے والی سورۂ حجر کی 99 آیات ہیں۔ یہ بتاتی ہے کہ اللہ قرآن کی حفاظت کرتا ہے؛ حضرت آدم اور ابلیس کے قصے اور ہلاک کی گئی قوموں کے انجام کے ذریعے منکرین کو خبردار کرتی اور نبی کریم ﷺ کو صبر کی دعوت دیتی ہے۔

## سورۃ الحجر عربی متن اور اردو ترجمے کے ساتھ

بِسۡمِ ٱللَّهِ ٱلرَّحۡمَٰنِ ٱلرَّحِيمِ  
شروع کرتا ہوں اللہ تعالیٰ کے نام سے جو بڑا مہربان نہایت رحم واﻻ ہے۔

**1.** الٓرۚ تِلۡكَ ءَايَٰتُ ٱلۡكِتَٰبِ وَقُرۡءَانٖ مُّبِينٖ ﴿١﴾  
ترجمہ: الرٰ، یہ کتاب الٰہی کی آیتیں ہیں اور کھلے اور روشن قرآن کی.

**2.** رُّبَمَا يَوَدُّ ٱلَّذِينَ كَفَرُواْ لَوۡ كَانُواْ مُسۡلِمِينَ ﴿٢﴾  
ترجمہ: وه بھی وقت ہوگا کہ کافر اپنے مسلمان ہونے کی آرزو کریں گے.

**3.** ذَرۡهُمۡ يَأۡكُلُواْ وَيَتَمَتَّعُواْ وَيُلۡهِهِمُ ٱلۡأَمَلُۖ فَسَوۡفَ يَعۡلَمُونَ ﴿٣﴾  
ترجمہ: آپ انہیں کھاتا، نفع اٹھاتا اور (جھوٹی) امیدوں میں مشغول ہوتا چھوڑ دیجئے عنقریب یہ خود جان لیں گے.

**4.** وَمَآ أَهۡلَكۡنَا مِن قَرۡيَةٍ إِلَّا وَلَهَا كِتَابٞ مَّعۡلُومٞ ﴿٤﴾  
ترجمہ: کسی بستی کو ہم نے ہلاک نہیں کیا مگر یہ کہ اس کے لیے مقرره نوشتہ تھا.

**5.** مَّا تَسۡبِقُ مِنۡ أُمَّةٍ أَجَلَهَا وَمَا يَسۡتَـٔۡخِرُونَ ﴿٥﴾  
ترجمہ: کوئی گروه اپنی موت سے نہ آگے بڑھتا ہے نہ پیچھے رہتا ہے.

**6.** وَقَالُواْ يَٰٓأَيُّهَا ٱلَّذِي نُزِّلَ عَلَيۡهِ ٱلذِّكۡرُ إِنَّكَ لَمَجۡنُونٞ ﴿٦﴾  
ترجمہ: انہوں نے کہا کہ اے وه شخص جس پر قرآن اتارا گیا ہے یقیناً تو تو کوئی دیوانہ ہے.

**7.** لَّوۡمَا تَأۡتِينَا بِٱلۡمَلَٰٓئِكَةِ إِن كُنتَ مِنَ ٱلصَّٰدِقِينَ ﴿٧﴾  
ترجمہ: اگر تو سچا ہی ہے تو ہمارے پاس فرشتوں کو کیوں نہیں ﻻتا.

**8.** مَا نُنَزِّلُ ٱلۡمَلَٰٓئِكَةَ إِلَّا بِٱلۡحَقِّ وَمَا كَانُوٓاْ إِذٗا مُّنظَرِينَ ﴿٨﴾  
ترجمہ: ہم فرشتوں کو حق کے ساتھ ہی اتارتے ہیں اور اس وقت وه مہلت دیئے گئے نہیں ہوتے.

**9.** إِنَّا نَحۡنُ نَزَّلۡنَا ٱلذِّكۡرَ وَإِنَّا لَهُۥ لَحَٰفِظُونَ ﴿٩﴾  
ترجمہ: ہم نے ہی اس قرآن کو نازل فرمایا ہے اور ہم ہی اس کے محافﻆ ہیں.

**10.** وَلَقَدۡ أَرۡسَلۡنَا مِن قَبۡلِكَ فِي شِيَعِ ٱلۡأَوَّلِينَ ﴿١٠﴾  
ترجمہ: ہم نے آپ سے پہلے اگلی امتوں میں بھی اپنے رسول (برابر) بھیجے.

**11.** وَمَا يَأۡتِيهِم مِّن رَّسُولٍ إِلَّا كَانُواْ بِهِۦ يَسۡتَهۡزِءُونَ ﴿١١﴾  
ترجمہ: اور (لیکن) جو بھی رسول آتا وه اس کا مذاق اڑاتے.

**12.** كَذَٰلِكَ نَسۡلُكُهُۥ فِي قُلُوبِ ٱلۡمُجۡرِمِينَ ﴿١٢﴾  
ترجمہ: گناه گاروں کے دلوں میں ہم اسی طرح یہی رچا دیا کرتے ہیں.

**13.** لَا يُؤۡمِنُونَ بِهِۦ وَقَدۡ خَلَتۡ سُنَّةُ ٱلۡأَوَّلِينَ ﴿١٣﴾  
ترجمہ: وه اس پر ایمان نہیں ﻻتے اور یقیناً اگلوں کا طریقہ گزرا ہوا ہے.

**14.** وَلَوۡ فَتَحۡنَا عَلَيۡهِم بَابٗا مِّنَ ٱلسَّمَآءِ فَظَلُّواْ فِيهِ يَعۡرُجُونَ ﴿١٤﴾  
ترجمہ: اور اگر ہم ان پر آسمان کا دروازه کھول بھی دیں اور یہ وہاں چڑھنے بھی لگ جائیں.

**15.** لَقَالُوٓاْ إِنَّمَا سُكِّرَتۡ أَبۡصَٰرُنَا بَلۡ نَحۡنُ قَوۡمٞ مَّسۡحُورُونَ ﴿١٥﴾  
ترجمہ: تب بھی یہی کہیں گے کہ ہماری نظر بندی کر دی گئی ہے بلکہ ہم لوگوں پر جادو کر دیا گیا ہے.

**16.** وَلَقَدۡ جَعَلۡنَا فِي ٱلسَّمَآءِ بُرُوجٗا وَزَيَّنَّٰهَا لِلنَّٰظِرِينَ ﴿١٦﴾  
ترجمہ: یقیناً ہم نے آسمان میں برج بنائے ہیں اور دیکھنے والوں کے لیے اسے سجا دیا ہے.

**17.** وَحَفِظۡنَٰهَا مِن كُلِّ شَيۡطَٰنٖ رَّجِيمٍ ﴿١٧﴾  
ترجمہ: اور اسے ہر مردود شیطان سے محفوظ رکھا ہے.

**18.** إِلَّا مَنِ ٱسۡتَرَقَ ٱلسَّمۡعَ فَأَتۡبَعَهُۥ شِهَابٞ مُّبِينٞ ﴿١٨﴾  
ترجمہ: ہاں مگر جو چوری چھپے سننے کی کوشش کرے اس کے پیچھے دہکتا ہوا (کھلا شعلہ) لگتا ہے.

**19.** وَٱلۡأَرۡضَ مَدَدۡنَٰهَا وَأَلۡقَيۡنَا فِيهَا رَوَٰسِيَ وَأَنۢبَتۡنَا فِيهَا مِن كُلِّ شَيۡءٖ مَّوۡزُونٖ ﴿١٩﴾  
ترجمہ: اور زمین کو ہم نے پھیلا دیا ہے اور اس پر (اٹل) پہاڑ ڈال دیئے ہیں، اور اس میں ہم نے ہر چیز ایک معین مقدار سے اگا دی ہے.

**20.** وَجَعَلۡنَا لَكُمۡ فِيهَا مَعَٰيِشَ وَمَن لَّسۡتُمۡ لَهُۥ بِرَٰزِقِينَ ﴿٢٠﴾  
ترجمہ: اور اسی میں ہم نے تمہاری روزیاں بنا دی ہیں اور جنہیں تم روزی دینے والے نہیں ہو.

**21.** وَإِن مِّن شَيۡءٍ إِلَّا عِندَنَا خَزَآئِنُهُۥ وَمَا نُنَزِّلُهُۥٓ إِلَّا بِقَدَرٖ مَّعۡلُومٖ ﴿٢١﴾  
ترجمہ: اور جتنی بھی چیزیں ہیں ان سب کے خزانے ہمارے پاس ہیں ، اور ہم ہر چیز کو اس کے مقرره انداز سے اتارتے ہیں.

**22.** وَأَرۡسَلۡنَا ٱلرِّيَٰحَ لَوَٰقِحَ فَأَنزَلۡنَا مِنَ ٱلسَّمَآءِ مَآءٗ فَأَسۡقَيۡنَٰكُمُوهُ وَمَآ أَنتُمۡ لَهُۥ بِخَٰزِنِينَ ﴿٢٢﴾  
ترجمہ: اور ہم بھیجتے ہیں بوجھل ہوائیں ، پھر آسمان سے پانی برسا کر وه تمہیں پلاتے ہیں اور تم اس کا ذخیره کرنے والے نہیں ہو.

**23.** وَإِنَّا لَنَحۡنُ نُحۡيِۦ وَنُمِيتُ وَنَحۡنُ ٱلۡوَٰرِثُونَ ﴿٢٣﴾  
ترجمہ: ہم ہی جلاتے اور مارتے ہیں اور ہم ہی (بالﺂخر) وارث ہیں.

**24.** وَلَقَدۡ عَلِمۡنَا ٱلۡمُسۡتَقۡدِمِينَ مِنكُمۡ وَلَقَدۡ عَلِمۡنَا ٱلۡمُسۡتَـٔۡخِرِينَ ﴿٢٤﴾  
ترجمہ: اور تم میں سے آگے بڑھنے والے اور پیچھے ہٹنے والے بھی ہمارے علم میں ہیں.

**25.** وَإِنَّ رَبَّكَ هُوَ يَحۡشُرُهُمۡۚ إِنَّهُۥ حَكِيمٌ عَلِيمٞ ﴿٢٥﴾  
ترجمہ: آپ کا رب سب لوگوں کو جمع کرے گا یقیناً وه بڑی حکمتوں واﻻ بڑے علم واﻻ ہے.

**26.** وَلَقَدۡ خَلَقۡنَا ٱلۡإِنسَٰنَ مِن صَلۡصَٰلٖ مِّنۡ حَمَإٖ مَّسۡنُونٖ ﴿٢٦﴾  
ترجمہ: یقیناً ہم نے انسان کو کالی اور سڑی ہوئی کھنکھناتی مٹی سے، پیدا فرمایا ہے.

**27.** وَٱلۡجَآنَّ خَلَقۡنَٰهُ مِن قَبۡلُ مِن نَّارِ ٱلسَّمُومِ ﴿٢٧﴾  
ترجمہ: اور اس سے پہلے جنات کو ہم نے لو والی آگ سے پیدا کیا.

**28.** وَإِذۡ قَالَ رَبُّكَ لِلۡمَلَٰٓئِكَةِ إِنِّي خَٰلِقُۢ بَشَرٗا مِّن صَلۡصَٰلٖ مِّنۡ حَمَإٖ مَّسۡنُونٖ ﴿٢٨﴾  
ترجمہ: اور جب تیرے پروردگار نے فرشتوں سے فرمایا کہ میں ایک انسان کو کالی اور سڑی ہوئی کھنکھناتی مٹی سے پیدا کرنے واﻻ ہوں.

**29.** فَإِذَا سَوَّيۡتُهُۥ وَنَفَخۡتُ فِيهِ مِن رُّوحِي فَقَعُواْ لَهُۥ سَٰجِدِينَ ﴿٢٩﴾  
ترجمہ: تو جب میں اسے پورا بنا چکوں اور اس میں اپنی روح پھونک دوں تو تم سب اس کے لیے سجدے میں گر پڑنا.

**30.** فَسَجَدَ ٱلۡمَلَٰٓئِكَةُ كُلُّهُمۡ أَجۡمَعُونَ ﴿٣٠﴾  
ترجمہ: چنانچہ تمام فرشتوں نے سب کے سب نے سجده کر لیا.

**31.** إِلَّآ إِبۡلِيسَ أَبَىٰٓ أَن يَكُونَ مَعَ ٱلسَّٰجِدِينَ ﴿٣١﴾  
ترجمہ: مگر ابلیس کے۔ کہ اس نے سجده کرنے والوں میں شمولیت کرنے سے (صاف) انکار کر دیا.

**32.** قَالَ يَٰٓإِبۡلِيسُ مَا لَكَ أَلَّا تَكُونَ مَعَ ٱلسَّٰجِدِينَ ﴿٣٢﴾  
ترجمہ: (اللہ تعالیٰ نے) فرمایا اے ابلیس تجھے کیا ہوا کہ تو سجده کرنے والوں میں شامل نہ ہوا؟

**33.** قَالَ لَمۡ أَكُن لِّأَسۡجُدَ لِبَشَرٍ خَلَقۡتَهُۥ مِن صَلۡصَٰلٖ مِّنۡ حَمَإٖ مَّسۡنُونٖ ﴿٣٣﴾  
ترجمہ: وه بوﻻ کہ میں ایسا نہیں کہ اس انسان کو سجده کروں جسے تو نے کالی اور سڑی ہوئی کھنکھناتی مٹی سے پیدا کیا ہے.

**34.** قَالَ فَٱخۡرُجۡ مِنۡهَا فَإِنَّكَ رَجِيمٞ ﴿٣٤﴾  
ترجمہ: فرمایا اب تو بہشت سے نکل جا کیوں کہ تو رانده درگاه ہے.

**35.** وَإِنَّ عَلَيۡكَ ٱللَّعۡنَةَ إِلَىٰ يَوۡمِ ٱلدِّينِ ﴿٣٥﴾  
ترجمہ: اور تجھ پر میری پھٹکار ہے قیامت کے دن تک.

**36.** قَالَ رَبِّ فَأَنظِرۡنِيٓ إِلَىٰ يَوۡمِ يُبۡعَثُونَ ﴿٣٦﴾  
ترجمہ: کہنے لگا کہ اے میرے رب! مجھے اس دن تک کی ڈھیل دے کہ لوگ دوباره اٹھا کھڑے کیے جائیں.

**37.** قَالَ فَإِنَّكَ مِنَ ٱلۡمُنظَرِينَ ﴿٣٧﴾  
ترجمہ: فرمایا کہ اچھا تو ان میں سے ہے جنہیں مہلت ملی ہے.

**38.** إِلَىٰ يَوۡمِ ٱلۡوَقۡتِ ٱلۡمَعۡلُومِ ﴿٣٨﴾  
ترجمہ: روز مقرر کے وقت تک کی.

**39.** قَالَ رَبِّ بِمَآ أَغۡوَيۡتَنِي لَأُزَيِّنَنَّ لَهُمۡ فِي ٱلۡأَرۡضِ وَلَأُغۡوِيَنَّهُمۡ أَجۡمَعِينَ ﴿٣٩﴾  
ترجمہ: (شیطان نے) کہا کہ اے میرے رب! چونکہ تو نے مجھے گمراه کیا ہے مجھے بھی قسم ہے کہ میں بھی زمین میں ان کے لئے معاصی کو مزین کروں گا اور ان سب کو بہکاؤں گا بھی.

**40.** إِلَّا عِبَادَكَ مِنۡهُمُ ٱلۡمُخۡلَصِينَ ﴿٤٠﴾  
ترجمہ: سوائے تیرے ان بندوں کے جو منتخب کر لیے گئے ہیں.

**41.** قَالَ هَٰذَا صِرَٰطٌ عَلَيَّ مُسۡتَقِيمٌ ﴿٤١﴾  
ترجمہ: ارشاد ہوا کہ ہاں یہی مجھ تک پہنچنے کی سیدھی راه ہے.

**42.** إِنَّ عِبَادِي لَيۡسَ لَكَ عَلَيۡهِمۡ سُلۡطَٰنٌ إِلَّا مَنِ ٱتَّبَعَكَ مِنَ ٱلۡغَاوِينَ ﴿٤٢﴾  
ترجمہ: میرے بندوں پر تجھے کوئی غلبہ نہیں ، لیکن ہاں جو گمراه لوگ تیری پیروی کریں.

**43.** وَإِنَّ جَهَنَّمَ لَمَوۡعِدُهُمۡ أَجۡمَعِينَ ﴿٤٣﴾  
ترجمہ: یقیناً ان سب کے وعدے کی جگہ جہنم ہے.

**44.** لَهَا سَبۡعَةُ أَبۡوَٰبٖ لِّكُلِّ بَابٖ مِّنۡهُمۡ جُزۡءٞ مَّقۡسُومٌ ﴿٤٤﴾  
ترجمہ: جس کے سات دروازے ہیں۔ ہر دروازے کے لیے ان کا ایک حصہ بٹا ہوا ہے.

**45.** إِنَّ ٱلۡمُتَّقِينَ فِي جَنَّٰتٖ وَعُيُونٍ ﴿٤٥﴾  
ترجمہ: پرہیزگار جنتی لوگ باغوں اور چشموں میں ہوں گے.

**46.** ٱدۡخُلُوهَا بِسَلَٰمٍ ءَامِنِينَ ﴿٤٦﴾  
ترجمہ: (ان سے کہا جائے گا) سلامتی اور امن کے ساتھ اس میں داخل ہو جاؤ.

**47.** وَنَزَعۡنَا مَا فِي صُدُورِهِم مِّنۡ غِلٍّ إِخۡوَٰنًا عَلَىٰ سُرُرٖ مُّتَقَٰبِلِينَ ﴿٤٧﴾  
ترجمہ: ان کے دلوں میں جو کچھ رنجش وکینہ تھا، ہم سب کچھ نکال دیں گے ، وه بھائی بھائی بنے ہوئے ایک دوسرے کے آمنے سامنے تختوں پر بیٹھے ہوں گے.

**48.** لَا يَمَسُّهُمۡ فِيهَا نَصَبٞ وَمَا هُم مِّنۡهَا بِمُخۡرَجِينَ ﴿٤٨﴾  
ترجمہ: نہ تو وہاں انہیں کوئی تکلیف چھو سکتی ہے اور نہ وه وہاں سے کبھی نکالے جائیں گے.

**49.** ۞ نَبِّئۡ عِبَادِيٓ أَنِّيٓ أَنَا ٱلۡغَفُورُ ٱلرَّحِيمُ ﴿٤٩﴾  
ترجمہ: میرے بندوں کو خبر دے دو کہ میں بہت ہی بخشنے واﻻ اور بڑا ہی مہربان ہوں.

**50.** وَأَنَّ عَذَابِي هُوَ ٱلۡعَذَابُ ٱلۡأَلِيمُ ﴿٥٠﴾  
ترجمہ: اور ساتھ ہی میرے عذاب بھی نہایت دردناک ہیں.

**51.** وَنَبِّئۡهُمۡ عَن ضَيۡفِ إِبۡرَٰهِيمَ ﴿٥١﴾  
ترجمہ: انہیں ابراہیم کے مہمانوں کا (بھی) حال سنا دو.

**52.** إِذۡ دَخَلُواْ عَلَيۡهِ فَقَالُواْ سَلَٰمٗا قَالَ إِنَّا مِنكُمۡ وَجِلُونَ ﴿٥٢﴾  
ترجمہ: کہ جب انہوں نے ان کے پاس آکر سلام کہا تو انہوں نے کہا کہ ہم کو تو تم سے ڈر لگتا ہے.

**53.** قَالُواْ لَا تَوۡجَلۡ إِنَّا نُبَشِّرُكَ بِغُلَٰمٍ عَلِيمٖ ﴿٥٣﴾  
ترجمہ: انہوں نے کہا ڈرو نہیں، ہم تجھے ایک صاحب علم فرزند کی بشارت دیتے ہیں.

**54.** قَالَ أَبَشَّرۡتُمُونِي عَلَىٰٓ أَن مَّسَّنِيَ ٱلۡكِبَرُ فَبِمَ تُبَشِّرُونَ ﴿٥٤﴾  
ترجمہ: کہا، کیا اس بڑھاپے کے آجانے کے بعد تم مجھے خوشخبری دیتے ہو! یہ خوشخبری تم کیسے دے رہے ہو؟

**55.** قَالُواْ بَشَّرۡنَٰكَ بِٱلۡحَقِّ فَلَا تَكُن مِّنَ ٱلۡقَٰنِطِينَ ﴿٥٥﴾  
ترجمہ: انہوں نے کہا ہم آپ کو بالکل سچی خوشخبری سناتے ہیں آپ مایوس لوگوں میں شامل نہ ہوں.

**56.** قَالَ وَمَن يَقۡنَطُ مِن رَّحۡمَةِ رَبِّهِۦٓ إِلَّا ٱلضَّآلُّونَ ﴿٥٦﴾  
ترجمہ: کہا اپنے رب تعالیٰ کی رحمت سے ناامید تو صرف گمراه اور بہکے ہوئے لوگ ہی ہوتے ہیں.

**57.** قَالَ فَمَا خَطۡبُكُمۡ أَيُّهَا ٱلۡمُرۡسَلُونَ ﴿٥٧﴾  
ترجمہ: پوچھا کہ اللہ کے بھیجے ہوئے (فرشتو!) تمہارا ایسا کیا اہم کام ہے؟

**58.** قَالُوٓاْ إِنَّآ أُرۡسِلۡنَآ إِلَىٰ قَوۡمٖ مُّجۡرِمِينَ ﴿٥٨﴾  
ترجمہ: انہوں نے جواب دیا کہ ہم مجرم قوم کی طرف بھیجے گئے ہیں.

**59.** إِلَّآ ءَالَ لُوطٍ إِنَّا لَمُنَجُّوهُمۡ أَجۡمَعِينَ ﴿٥٩﴾  
ترجمہ: مگر خاندان لوط کہ ہم ان سب کو تو ضرور بچا لیں گے.

**60.** إِلَّا ٱمۡرَأَتَهُۥ قَدَّرۡنَآ إِنَّهَا لَمِنَ ٱلۡغَٰبِرِينَ ﴿٦٠﴾  
ترجمہ: سوائے اس (لوط) کی بیوی کے کہ ہم نے اسے رکنے اور باقی ره جانے والوں میں مقرر کر دیا ہے.

**61.** فَلَمَّا جَآءَ ءَالَ لُوطٍ ٱلۡمُرۡسَلُونَ ﴿٦١﴾  
ترجمہ: جب بھیجے ہوئے فرشتے آل لوط کے پاس پہنچے.

**62.** قَالَ إِنَّكُمۡ قَوۡمٞ مُّنكَرُونَ ﴿٦٢﴾  
ترجمہ: تو انہوں (لوط علیہ السلام) نے کہا تم لوگ تو کچھ انجان سے معلوم ہو رہے ہو.

**63.** قَالُواْ بَلۡ جِئۡنَٰكَ بِمَا كَانُواْ فِيهِ يَمۡتَرُونَ ﴿٦٣﴾  
ترجمہ: انہوں نے کہا نہیں بلکہ ہم تیرے پاس وه چیز ﻻئے ہیں جس میں یہ لوگ شک شبہ کر رہے تھے.

**64.** وَأَتَيۡنَٰكَ بِٱلۡحَقِّ وَإِنَّا لَصَٰدِقُونَ ﴿٦٤﴾  
ترجمہ: ہم تو تیرے پاس (صریح) حق ﻻئے ہیں اور ہیں بھی بالکل سچے.

**65.** فَأَسۡرِ بِأَهۡلِكَ بِقِطۡعٖ مِّنَ ٱلَّيۡلِ وَٱتَّبِعۡ أَدۡبَٰرَهُمۡ وَلَا يَلۡتَفِتۡ مِنكُمۡ أَحَدٞ وَٱمۡضُواْ حَيۡثُ تُؤۡمَرُونَ ﴿٦٥﴾  
ترجمہ: اب تو اپنے خاندان سمیت اس رات کے کسی حصہ میں چل دے اور آپ ان کے پیچھے رہنا ، اور (خبردار) تم میں سے کوئی (پیچھے) مڑکر بھی نہ دیکھے اور جہاں کا تمہیں حکم کیا جارہا ہے وہاں چلے جان.

**66.** وَقَضَيۡنَآ إِلَيۡهِ ذَٰلِكَ ٱلۡأَمۡرَ أَنَّ دَابِرَ هَٰٓؤُلَآءِ مَقۡطُوعٞ مُّصۡبِحِينَ ﴿٦٦﴾  
ترجمہ: اور ہم نے اس کی طرف اس بات کا فیصلہ کر دیا کہ صبح ہوتے ہوتے ان لوگوں کی جڑیں کاٹ دی جائیں گی.

**67.** وَجَآءَ أَهۡلُ ٱلۡمَدِينَةِ يَسۡتَبۡشِرُونَ ﴿٦٧﴾  
ترجمہ: اور شہر والے خوشیاں مناتے ہوئے آئے.

**68.** قَالَ إِنَّ هَٰٓؤُلَآءِ ضَيۡفِي فَلَا تَفۡضَحُونِ ﴿٦٨﴾  
ترجمہ: (لوط علیہ السلام نے) کہا یہ لوگ میرے مہمان ہیں تم مجھے رسوا نہ کرو.

**69.** وَٱتَّقُواْ ٱللَّهَ وَلَا تُخۡزُونِ ﴿٦٩﴾  
ترجمہ: اللہ تعالیٰ سے ڈرو اور مجھے رسوا نہ کرو.

**70.** قَالُوٓاْ أَوَلَمۡ نَنۡهَكَ عَنِ ٱلۡعَٰلَمِينَ ﴿٧٠﴾  
ترجمہ: وه بولے کیا ہم نے تجھے دنیا بھر (کی ٹھیکیداری) سے منع نہیں کر رکھا؟

**71.** قَالَ هَٰٓؤُلَآءِ بَنَاتِيٓ إِن كُنتُمۡ فَٰعِلِينَ ﴿٧١﴾  
ترجمہ: (لوط علیہ السلام نے) کہا اگر تمہیں کرنا ہی ہے تو یہ میری بچیاں موجود ہیں.

**72.** لَعَمۡرُكَ إِنَّهُمۡ لَفِي سَكۡرَتِهِمۡ يَعۡمَهُونَ ﴿٧٢﴾  
ترجمہ: تیری عمر کی قسم! وه تو اپنی بدمستی میں سرگرداں تھے.

**73.** فَأَخَذَتۡهُمُ ٱلصَّيۡحَةُ مُشۡرِقِينَ ﴿٧٣﴾  
ترجمہ: پس سورج نکلتے نکلتے انہیں ایک بڑے زور کی آواز نے پکڑ لیا.

**74.** فَجَعَلۡنَا عَٰلِيَهَا سَافِلَهَا وَأَمۡطَرۡنَا عَلَيۡهِمۡ حِجَارَةٗ مِّن سِجِّيلٍ ﴿٧٤﴾  
ترجمہ: بالﺂخر ہم نے اس شہر کو اوپر تلے کر دیا اور ان لوگوں پر کنکر والے پتھر برسائے.

**75.** إِنَّ فِي ذَٰلِكَ لَأٓيَٰتٖ لِّلۡمُتَوَسِّمِينَ ﴿٧٥﴾  
ترجمہ: بلاشبہ بصیرت والوں کے لیے اس میں بہت سی نشانیاں ہیں.

**76.** وَإِنَّهَا لَبِسَبِيلٖ مُّقِيمٍ ﴿٧٦﴾  
ترجمہ: یہ بستی ایسی راه پر ہے جو برابر چلتی رہتی (عام گذرگاه) ہے.

**77.** إِنَّ فِي ذَٰلِكَ لَأٓيَةٗ لِّلۡمُؤۡمِنِينَ ﴿٧٧﴾  
ترجمہ: اور اس میں ایمان والوں کے لیے بڑی نشانی ہے.

**78.** وَإِن كَانَ أَصۡحَٰبُ ٱلۡأَيۡكَةِ لَظَٰلِمِينَ ﴿٧٨﴾  
ترجمہ: اور بے شک اَیکَہ بستی کے رہنے والے يقيناً ﻇالم تھے.

**79.** فَٱنتَقَمۡنَا مِنۡهُمۡ وَإِنَّهُمَا لَبِإِمَامٖ مُّبِينٖ ﴿٧٩﴾  
ترجمہ: جن سے (آخر) ہم نے انتقام لے ہی لیا۔ یہ دونوں شہر کھلے (عام) راستے پر ہیں.

**80.** وَلَقَدۡ كَذَّبَ أَصۡحَٰبُ ٱلۡحِجۡرِ ٱلۡمُرۡسَلِينَ ﴿٨٠﴾  
ترجمہ: اور حِجر والوں نے بھی رسولوں کو جھٹلایا.

**81.** وَءَاتَيۡنَٰهُمۡ ءَايَٰتِنَا فَكَانُواْ عَنۡهَا مُعۡرِضِينَ ﴿٨١﴾  
ترجمہ: اور ہم نے ان کو اپنی نشانیاں بھی عطا فرمائیں (لیکن) تاہم وه ان سے روگردانی ہی کرتے رہے.

**82.** وَكَانُواْ يَنۡحِتُونَ مِنَ ٱلۡجِبَالِ بُيُوتًا ءَامِنِينَ ﴿٨٢﴾  
ترجمہ: یہ لوگ پہاڑوں کو تراش تراش کر گھر بناتے تھے، بے خوف ہوکر.

**83.** فَأَخَذَتۡهُمُ ٱلصَّيۡحَةُ مُصۡبِحِينَ ﴿٨٣﴾  
ترجمہ: آخر انہیں بھی صبح ہوتے ہوتے چنگھاڑنے آدبوچا.

**84.** فَمَآ أَغۡنَىٰ عَنۡهُم مَّا كَانُواْ يَكۡسِبُونَ ﴿٨٤﴾  
ترجمہ: پس ان کی کسی تدبیروعمل نے انہیں کوئی فائده نہ دیا.

**85.** وَمَا خَلَقۡنَا ٱلسَّمَٰوَٰتِ وَٱلۡأَرۡضَ وَمَا بَيۡنَهُمَآ إِلَّا بِٱلۡحَقِّۗ وَإِنَّ ٱلسَّاعَةَ لَأٓتِيَةٞۖ فَٱصۡفَحِ ٱلصَّفۡحَ ٱلۡجَمِيلَ ﴿٨٥﴾  
ترجمہ: ہم نے آسمانوں اور زمین کو اور ان کے درمیان کی سب چیزوں کو حق کے ساتھ ہی پیدا فرمایا ہے ، اور قیامت ضرور ضرور آنے والی ہے۔ پس تو حسن وخوبی (اور اچھائی) سے درگزر کر لے.

**86.** إِنَّ رَبَّكَ هُوَ ٱلۡخَلَّٰقُ ٱلۡعَلِيمُ ﴿٨٦﴾  
ترجمہ: یقیناً تیرا پروردگار ہی پیدا کرنے واﻻ اور جاننے واﻻ ہے.

**87.** وَلَقَدۡ ءَاتَيۡنَٰكَ سَبۡعٗا مِّنَ ٱلۡمَثَانِي وَٱلۡقُرۡءَانَ ٱلۡعَظِيمَ ﴿٨٧﴾  
ترجمہ: یقیناً ہم نے آپ کو سات آیتیں دے رکھی ہیں. کہ دہرائی جاتی ہیں اور عظیم قرآن بھی دے رکھا ہے.

**88.** لَا تَمُدَّنَّ عَيۡنَيۡكَ إِلَىٰ مَا مَتَّعۡنَا بِهِۦٓ أَزۡوَٰجٗا مِّنۡهُمۡ وَلَا تَحۡزَنۡ عَلَيۡهِمۡ وَٱخۡفِضۡ جَنَاحَكَ لِلۡمُؤۡمِنِينَ ﴿٨٨﴾  
ترجمہ: آپ ہر گز اپنی نظریں اس چیز کی طرف نہ دوڑائیں، جس سے ہم نے ان میں سے کئی قسم کے لوگوں کو بہره مند کر رکھا ہے، نہ ان پر آپ افسوس کریں اور مومنوں کے لیے اپنے بازو جھکائے رہیں.

**89.** وَقُلۡ إِنِّيٓ أَنَا ٱلنَّذِيرُ ٱلۡمُبِينُ ﴿٨٩﴾  
ترجمہ: اور کہہ دیجئے کہ میں تو کھلم کھلا ڈرانے واﻻ ہوں.

**90.** كَمَآ أَنزَلۡنَا عَلَى ٱلۡمُقۡتَسِمِينَ ﴿٩٠﴾  
ترجمہ: جیسے کہ ہم نے ان تقسیم کرنے والوں پر اتارا.

**91.** ٱلَّذِينَ جَعَلُواْ ٱلۡقُرۡءَانَ عِضِينَ ﴿٩١﴾  
ترجمہ: جنہوں نے اس کتاب الٰہی کے ٹکڑے ٹکڑے کر دیئے.

**92.** فَوَرَبِّكَ لَنَسۡـَٔلَنَّهُمۡ أَجۡمَعِينَ ﴿٩٢﴾  
ترجمہ: قسم ہے تیرے پالنے والے کی! ہم ان سب سے ضرور باز پرس کریں گے.

**93.** عَمَّا كَانُواْ يَعۡمَلُونَ ﴿٩٣﴾  
ترجمہ: ہر اس چیز کی جو وه کرتے تھے.

**94.** فَٱصۡدَعۡ بِمَا تُؤۡمَرُ وَأَعۡرِضۡ عَنِ ٱلۡمُشۡرِكِينَ ﴿٩٤﴾  
ترجمہ: پس آپ اس حکم کو جو آپ کو کیا جارہا ہے کھول کر سنا دیجئے! اور مشرکوں سے منھ پھیر لیجئے.

**95.** إِنَّا كَفَيۡنَٰكَ ٱلۡمُسۡتَهۡزِءِينَ ﴿٩٥﴾  
ترجمہ: آپ سے جو لوگ مسخراپن کرتے ہیں ان کی سزا کے لیے ہم کافی ہیں.

**96.** ٱلَّذِينَ يَجۡعَلُونَ مَعَ ٱللَّهِ إِلَٰهًا ءَاخَرَۚ فَسَوۡفَ يَعۡلَمُونَ ﴿٩٦﴾  
ترجمہ: جو اللہ کے ساتھ دوسرے معبود مقرر کرتے ہیں انہیں عنقریب معلوم ہو جائے گا.

**97.** وَلَقَدۡ نَعۡلَمُ أَنَّكَ يَضِيقُ صَدۡرُكَ بِمَا يَقُولُونَ ﴿٩٧﴾  
ترجمہ: ہمیں خوب علم ہے کہ ان کی باتوں سے آپ کا دل تنگ ہوتا ہے.

**98.** فَسَبِّحۡ بِحَمۡدِ رَبِّكَ وَكُن مِّنَ ٱلسَّٰجِدِينَ ﴿٩٨﴾  
ترجمہ: آپ اپنے پروردگار کی تسبیح اور حمد بیان کرتے رہیں اور سجده کرنے والوں میں شامل ہو جائیں.

**99.** وَٱعۡبُدۡ رَبَّكَ حَتَّىٰ يَأۡتِيَكَ ٱلۡيَقِينُ ﴿٩٩﴾  
ترجمہ: اور اپنے رب کی عبادت کرتے رہیں یہاں تک کہ آپ کو موت آجائے.

## ایک نظر میں

- **سورت نمبر:** 15 از 114
- **نام کے معنی:** پتھریلی وادی
- **آیات:** 99
- **مقامِ نزول:** مکہ
- **ترتیبِ نزول:** 54
- **پارہ:** 14

## سورۃ الحجر کا تعارف

حجر حجاز کے شمال میں مدینہ اور تبوک کے درمیان واقع اس جگہ کا نام ہے جہاں قومِ ثمود رہتی تھی۔ سورت کا نام آیت 80 سے لیا گیا ہے، جس میں بتایا گیا ہے کہ اہلِ حجر نے رسولوں کو جھٹلایا۔ یہ مکہ میں نازل ہوئی اور اس کی 99 آیات ہیں۔ مصحف میں پندرھویں سورت ہے؛ نزول کی عام ترتیب میں اس کا مقام 54 ہے۔

یہ ”الف لام را“ کے حروف سے شروع ہوتی ہے۔ آیت 9، جس میں بتایا گیا ہے کہ قرآن اللہ نے نازل کیا ہے اور اللہ ہی اس کی حفاظت کرے گا، اسی سورت میں ہے۔ نیز آیت 87 میں نبی کریم ﷺ کو یاد دلایا گیا ہے کہ آپ کو ”بار بار پڑھی جانے والی سات آیات“ اور عظیم قرآن دیا گیا ہے؛ بیشتر علما نے کہا ہے کہ ”بار بار پڑھی جانے والی سات آیات“ سے مراد سورۂ فاتحہ ہے۔

## سورۃ الحجر کا شانِ نزول

سورۂ حجر مکی دور میں اس زمانے میں نازل ہوئی جب مشرکین قرآن اور نبی کریم ﷺ کا کھلے عام مذاق اڑاتے تھے۔ منکرین آپ سے کہتے ”اے وہ شخص جس پر ذکر نازل کیا گیا ہے! تم یقیناً دیوانے ہو“، اور مطالبہ کرتے کہ اگر آپ سچے ہیں تو فرشتے لے آئیں۔

سورت کے سببِ نزول کے طور پر کوئی خاص واقعہ منقول نہیں۔ آیات اس مذاق کے مقابلے میں نبی کریم ﷺ کو تسلی دیتی ہیں؛ بتاتی ہیں کہ مذاق اڑانے والوں کے مقابلے میں اللہ آپ کے لیے کافی ہے، اور آپ کو حکم دیتی ہیں کہ جس بات کا حکم دیا گیا ہے اسے کھل کر بیان کریں۔ بعض مفسرین نے آیت 94، جس کا مفہوم ہے ”جس بات کا آپ کو حکم دیا گیا ہے اسے کھل کر بیان کریں“، کو اسلام کی علانیہ دعوت سے متعلق قرار دیا ہے۔

## سورۃ الحجر کے موضوعات

سورت اس بیان سے شروع ہوتی ہے کہ منکرین ایک دن مسلمان ہونے کی آرزو کریں گے، اور ان کے مذاق کا ذکر کرتی ہے۔ اس پر زور دیا جاتا ہے کہ قرآن کو نازل کرنے والا اور اس کی حفاظت کرنے والا اللہ ہے۔ آسمان کے برج، محفوظ آسمان، ہوائیں، بارش اور ہر چیز کے خزانے اللہ کے پاس ہونے کا بیان اس کی قدرت کے دلائل کے طور پر آتا ہے۔

انسان کا خشک مٹی سے پیدا ہونا، فرشتوں کا سجدہ کرنا، ابلیس کا تکبر سے سجدے سے انکار اور انسانوں کو گمراہ کرنے کی قسم بیان ہوتی ہے؛ تاہم بتایا جاتا ہے کہ اللہ کے مخلص بندوں پر اس کا کوئی زور نہیں ہو گا۔ جہنم کے سات دروازوں اور جنت میں متقی لوگوں کی حالت کا منظر پیش کیا جاتا ہے۔

حضرت ابراہیم کے پاس آنے والے مہمان فرشتوں، حضرت لوط کی قوم کی ہلاکت، اہلِ ایکہ اور اہلِ حجر کے انجام کا مختصر بیان آتا ہے۔ سورت نبی کریم ﷺ کو عطا کی گئی ”بار بار پڑھی جانے والی سات آیات“ یاد دلاتی ہے؛ اور آپ کو مومنین کے ساتھ شفقت سے پیش آنے، تبلیغ جاری رکھنے اور یقینی موت آنے تک اپنے رب کی عبادت کرنے کے حکم پر ختم ہوتی ہے۔

## سورۃ الحجر کے فضائل

سورۂ حجر کی فضیلت کے بارے میں کوئی صحیح روایت معلوم نہیں، البتہ اس کی دو آیات کی صحیح احادیث سے وضاحت ہوئی ہے۔ بخاری کی ابو سعید بن معلّیٰ سے روایت کے مطابق نبی کریم ﷺ نے بتایا کہ آیت 87 میں مذکور «بار بار پڑھی جانے والی سات آیات» اور وہ عظیم قرآن جو انہیں دیا گیا، سورۂ فاتحہ ہے۔

بخاری اور مسلم کی ابن عمر سے روایت کے مطابق نبی کریم ﷺ غزوۂ تبوک میں سورت میں مذکور اصحابِ حجر، یعنی قومِ ثمود کی بستی سے گزرے تو صحابہ سے فرمایا کہ ان عذاب پانے والوں کی بستیوں میں روتے ہوئے ہی داخل ہو، اور اگر رو نہ سکو تو بالکل داخل نہ ہو، اور خبردار کیا کہ کہیں ان پر آنے والی مصیبت تم پر نہ آ پڑے۔ بخاری یہ حدیث آیت 80 کی تفسیر میں لاتے ہیں، جو بتاتی ہے کہ اصحابِ حجر نے رسولوں کو جھٹلایا۔

سورت کے بارے میں یہ تحریریں Yasin Suresi ایپ کے لیے لکھی گئی ہیں۔

## سورۃ الحجر کے بارے میں عام سوالات

### سورۃ الحجر میں کتنی آیات ہیں؟

سورۃ الحجر میں 99 آیات ہیں۔

### الحجر کا کیا مطلب ہے؟

الحجر کا مطلب ہے: ”پتھریلی وادی“۔

### سورۃ الحجر مکی ہے یا مدنی؟

سورۃ الحجر مکی سورت ہے جو مکہ میں نازل ہوئی۔ ترتیبِ نزول میں یہ سورت نمبر 54 ہے۔

### سورۃ الحجر کس پارے میں ہے؟

سورۃ الحجر پارہ 14 میں ہے۔

### سورۃ الحجر قرآن مجید میں کہاں ہے؟

سورۃ الحجر قرآن مجید کی سورت نمبر 15 ہے۔ یہ سورۃ ابراهیم کے بعد اور سورۃ النحل سے پہلے آتی ہے۔

### کیا یہاں سورۃ الحجر کی تلاوت سنی جا سکتی ہے؟

جی ہاں۔ آیات کے نیچے موجود پلیئر میں سورۃ الحجر کی تلاوت 9 مشہور قاریوں کی آواز میں ہے؛ تلاوت کے دوران پڑھی جانے والی آیت فہرست میں نمایاں ہو جاتی ہے۔

- [پچھلی سورت 14. ابراهیم](https://yasinsurah.com/ur/surah-ibrahim/)
- [اگلی سورت 16. النحل](https://yasinsurah.com/ur/surah-an-nahl/)

## سورۃ یٰسٓ ایپ

یٰسٓ اور پورا قرآن مجید 11 زبانوں میں ترجمے کے ساتھ پڑھیں، نو قاریوں کی آواز میں آیت بہ آیت سنیں اور اپنے بک مارکس فون پر محفوظ رکھیں۔

[App Store](https://apps.apple.com/pk/app/id6443493408) [Google Play](https://play.google.com/store/apps/details?id=tr.gen.suresi.yasin&hl=ur)
