# سورۃ الصافات

> سورۃ الصافات (صف باندھنے والے) مکمل: عربی متن اور مولانا محمد جوناگڑھی کا اردو ترجمہ آیت بہ آیت، اور 9 قاریوں کی آواز میں تلاوت۔ مکہ میں نازل ہونے والی سورۂ…

ماخذ: https://yasinsurah.com/ur/surah-as-saffat/  
آخری تجدید: 2026-11-16T00:38:32+03:00

سورت 37 از 114 · پارہ 23

182 آیات · مکی · ترتیبِ نزول: نمبر 56

مکہ میں نازل ہونے والی سورۂ صافات کی 182 آیات ہیں۔ اللہ کی وحدانیت، فرشتوں اور جنوں کے اس کے بندے ہونے، اور انبیاء کی نجات پر ختم ہونے والی جدوجہد کا بیان کرتی ہے۔

## سورۃ الصافات عربی متن اور اردو ترجمے کے ساتھ

بِسۡمِ ٱللَّهِ ٱلرَّحۡمَٰنِ ٱلرَّحِيمِ  
شروع کرتا ہوں اللہ تعالیٰ کے نام سے جو بڑا مہربان نہایت رحم واﻻ ہے۔

**1.** وَٱلصَّٰٓفَّٰتِ صَفّٗا ﴿١﴾  
ترجمہ: قسم ہے صف باندھنے والے (فرشتوں) کی.

**2.** فَٱلزَّٰجِرَٰتِ زَجۡرٗا ﴿٢﴾  
ترجمہ: پھر پوری طرح ڈانٹنے والوں کی.

**3.** فَٱلتَّٰلِيَٰتِ ذِكۡرًا ﴿٣﴾  
ترجمہ: پھر ذکر اللہ کی تلاوت کرنے والوں کی.

**4.** إِنَّ إِلَٰهَكُمۡ لَوَٰحِدٞ ﴿٤﴾  
ترجمہ: یقیناً تم سب کا معبود ایک ہی ہے.

**5.** رَّبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا وَرَبُّ ٱلۡمَشَٰرِقِ ﴿٥﴾  
ترجمہ: آسمانوں اور زمین اور ان کے درمیان کی تمام چیزوں اور مَشرقوں کا رب وہی ہے.

**6.** إِنَّا زَيَّنَّا ٱلسَّمَآءَ ٱلدُّنۡيَا بِزِينَةٍ ٱلۡكَوَاكِبِ ﴿٦﴾  
ترجمہ: ہم نے آسمان دنیا کو ستاروں کی زینت سے آراستہ کیا.

**7.** وَحِفۡظٗا مِّن كُلِّ شَيۡطَٰنٖ مَّارِدٖ ﴿٧﴾  
ترجمہ: اور حفاﻇت کی سرکش شیطان سے.

**8.** لَّا يَسَّمَّعُونَ إِلَى ٱلۡمَلَإِ ٱلۡأَعۡلَىٰ وَيُقۡذَفُونَ مِن كُلِّ جَانِبٖ ﴿٨﴾  
ترجمہ: عالم باﻻ کے فرشتوں (کی باتوں) کو سننے کے لئے وه کان بھی نہیں لگا سکتے، بلکہ ہر طرف سے وه مارے جاتے ہیں.

**9.** دُحُورٗاۖ وَلَهُمۡ عَذَابٞ وَاصِبٌ ﴿٩﴾  
ترجمہ: بھگانے کے لئے اور ان کے لئے دائمی عذاب ہے.

**10.** إِلَّا مَنۡ خَطِفَ ٱلۡخَطۡفَةَ فَأَتۡبَعَهُۥ شِهَابٞ ثَاقِبٞ ﴿١٠﴾  
ترجمہ: مگر جو کوئی ایک آدھ بات اچک لے بھاگے تو (فوراً ہی) اس کے پیچھے دہکتا ہوا شعلہ لگ جاتا ہے.

**11.** فَٱسۡتَفۡتِهِمۡ أَهُمۡ أَشَدُّ خَلۡقًا أَم مَّنۡ خَلَقۡنَآۚ إِنَّا خَلَقۡنَٰهُم مِّن طِينٖ لَّازِبِۭ ﴿١١﴾  
ترجمہ: ان کافروں سے پوچھو تو کہ آیا ان کا پیدا کرنا زیاده دشوار ہے یا (ان کا) جنہیں ہم نے (ان کے علاوه) پیدا کیا ؟ ہم نے (انسانوں) کو لیس دار مٹی سے پیدا کیا ہے.

**12.** بَلۡ عَجِبۡتَ وَيَسۡخَرُونَ ﴿١٢﴾  
ترجمہ: بلکہ تو تعجب کر رہا ہے اور یہ مسخرا پن کر رہے ہیں.

**13.** وَإِذَا ذُكِّرُواْ لَا يَذۡكُرُونَ ﴿١٣﴾  
ترجمہ: اور جب انہیں نصیحت کی جاتی ہے یہ نہیں مانتے.

**14.** وَإِذَا رَأَوۡاْ ءَايَةٗ يَسۡتَسۡخِرُونَ ﴿١٤﴾  
ترجمہ: اور جب کسی معجزے کو دیکھتے ہیں تو مذاق اڑاتے ہیں.

**15.** وَقَالُوٓاْ إِنۡ هَٰذَآ إِلَّا سِحۡرٞ مُّبِينٌ ﴿١٥﴾  
ترجمہ: اور کہتے ہیں کہ یہ تو بالکل کھلم کھلا جادو ہی ہے.

**16.** أَءِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ ﴿١٦﴾  
ترجمہ: کیا جب ہم مر جائیں گے اور خاک اور ہڈی ہو جائیں گے پھر کیا (سچ مچ) ہم اٹھائے جائیں گے؟

**17.** أَوَءَابَآؤُنَا ٱلۡأَوَّلُونَ ﴿١٧﴾  
ترجمہ: کیا ہم سے پہلے کے ہمارے باپ دادا بھی؟

**18.** قُلۡ نَعَمۡ وَأَنتُمۡ دَٰخِرُونَ ﴿١٨﴾  
ترجمہ: آپ جواب دیجئے! کہ ہاں ہاں اور تم ذلیل (بھی) ہوں گے.

**19.** فَإِنَّمَا هِيَ زَجۡرَةٞ وَٰحِدَةٞ فَإِذَا هُمۡ يَنظُرُونَ ﴿١٩﴾  
ترجمہ: وه تو صرف ایک زور کی جھڑکی ہے کہ یکایک یہ دیکھنے لگیں گے.

**20.** وَقَالُواْ يَٰوَيۡلَنَا هَٰذَا يَوۡمُ ٱلدِّينِ ﴿٢٠﴾  
ترجمہ: اور کہیں گے کہ ہائے ہماری خرابی یہی جزا (سزا) کا دن ہے.

**21.** هَٰذَا يَوۡمُ ٱلۡفَصۡلِ ٱلَّذِي كُنتُم بِهِۦ تُكَذِّبُونَ ﴿٢١﴾  
ترجمہ: یہی فیصلہ کا دن ہے جسے تم جھٹلاتے رہے.

**22.** ۞ ٱحۡشُرُواْ ٱلَّذِينَ ظَلَمُواْ وَأَزۡوَٰجَهُمۡ وَمَا كَانُواْ يَعۡبُدُونَ ﴿٢٢﴾  
ترجمہ: ﻇالموں کو اور ان کے ہمراہیوں کو اور (جن) جن کی وه اللہ کے علاوه پرستش کرتے تھے.

**23.** مِن دُونِ ٱللَّهِ فَٱهۡدُوهُمۡ إِلَىٰ صِرَٰطِ ٱلۡجَحِيمِ ﴿٢٣﴾  
ترجمہ: (ان سب کو) جمع کرکے انہیں دوزخ کی راه دکھا دو.

**24.** وَقِفُوهُمۡۖ إِنَّهُم مَّسۡـُٔولُونَ ﴿٢٤﴾  
ترجمہ: اور انہیں ٹھہرا لو ، (اس لئے) کہ ان سے (ضروری) سوال کیے جانے والے ہیں.

**25.** مَا لَكُمۡ لَا تَنَاصَرُونَ ﴿٢٥﴾  
ترجمہ: تمہیں کیا ہو گیا ہے کہ (اس وقت) تم ایک دوسرے کی مدد نہیں کرتے.

**26.** بَلۡ هُمُ ٱلۡيَوۡمَ مُسۡتَسۡلِمُونَ ﴿٢٦﴾  
ترجمہ: بلکہ وه (سب کے سب) آج فرمانبردار بن گئے.

**27.** وَأَقۡبَلَ بَعۡضُهُمۡ عَلَىٰ بَعۡضٖ يَتَسَآءَلُونَ ﴿٢٧﴾  
ترجمہ: وه ایک دوسرے کی طرف متوجہ ہو کر سوال وجواب کرنے لگیں گے.

**28.** قَالُوٓاْ إِنَّكُمۡ كُنتُمۡ تَأۡتُونَنَا عَنِ ٱلۡيَمِينِ ﴿٢٨﴾  
ترجمہ: کہیں گے کہ تم تو ہمارے پاس ہماری دائیں طرف سے آتے تھے.

**29.** قَالُواْ بَل لَّمۡ تَكُونُواْ مُؤۡمِنِينَ ﴿٢٩﴾  
ترجمہ: وه جواب دیں گے کہ نہیں بلکہ تم ہی ایمان والے نہ تھے.

**30.** وَمَا كَانَ لَنَا عَلَيۡكُم مِّن سُلۡطَٰنِۭۖ بَلۡ كُنتُمۡ قَوۡمٗا طَٰغِينَ ﴿٣٠﴾  
ترجمہ: اور کچھ ہمارا زور تو تم پر تھا (ہی) نہیں۔ بلکہ تم (خود) سرکش لوگ تھے.

**31.** فَحَقَّ عَلَيۡنَا قَوۡلُ رَبِّنَآۖ إِنَّا لَذَآئِقُونَ ﴿٣١﴾  
ترجمہ: اب تو ہم (سب) پر ہمارے رب کی یہ بات ﺛابت ہو چکی کہ ہم (عذاب) چکھنے والے ہیں.

**32.** فَأَغۡوَيۡنَٰكُمۡ إِنَّا كُنَّا غَٰوِينَ ﴿٣٢﴾  
ترجمہ: پس ہم نے تمہیں گمراه کیا ہم تو خود بھی گمراه ہی تھے.

**33.** فَإِنَّهُمۡ يَوۡمَئِذٖ فِي ٱلۡعَذَابِ مُشۡتَرِكُونَ ﴿٣٣﴾  
ترجمہ: سو اب آج کے دن تو (سب کے سب) عذاب میں شریک ہیں.

**34.** إِنَّا كَذَٰلِكَ نَفۡعَلُ بِٱلۡمُجۡرِمِينَ ﴿٣٤﴾  
ترجمہ: ہم گناه گاروں کے ساتھ اسی طرح کیا کرتے ہیں.

**35.** إِنَّهُمۡ كَانُوٓاْ إِذَا قِيلَ لَهُمۡ لَآ إِلَٰهَ إِلَّا ٱللَّهُ يَسۡتَكۡبِرُونَ ﴿٣٥﴾  
ترجمہ: یہ وه (لوگ) ہیں کہ جب ان سے کہا جاتا ہے کہ اللہ کے سوا کوئی معبود نہیں تو یہ سرکشی کرتے تھے.

**36.** وَيَقُولُونَ أَئِنَّا لَتَارِكُوٓاْ ءَالِهَتِنَا لِشَاعِرٖ مَّجۡنُونِۭ ﴿٣٦﴾  
ترجمہ: اور کہتے تھے کہ کیا ہم اپنے معبودوں کو ایک دیوانے شاعر کی بات پر چھوڑ دیں؟

**37.** بَلۡ جَآءَ بِٱلۡحَقِّ وَصَدَّقَ ٱلۡمُرۡسَلِينَ ﴿٣٧﴾  
ترجمہ: (نہیں نہیں) بلکہ (نبی) تو حق (سچا دین) ﻻئے ہیں اور سب رسولوں کو سچا جانتے ہیں.

**38.** إِنَّكُمۡ لَذَآئِقُواْ ٱلۡعَذَابِ ٱلۡأَلِيمِ ﴿٣٨﴾  
ترجمہ: یقیناً تم دردناک عذاب (کا مزه) چکھنے والے ہو.

**39.** وَمَا تُجۡزَوۡنَ إِلَّا مَا كُنتُمۡ تَعۡمَلُونَ ﴿٣٩﴾  
ترجمہ: تمہیں اسی کا بدلہ دیا جائے گا جو تم کرتے تھے.

**40.** إِلَّا عِبَادَ ٱللَّهِ ٱلۡمُخۡلَصِينَ ﴿٤٠﴾  
ترجمہ: مگر اللہ تعالیٰ کے خالص برگزیده بندے.

**41.** أُوْلَٰٓئِكَ لَهُمۡ رِزۡقٞ مَّعۡلُومٞ ﴿٤١﴾  
ترجمہ: انہیں کے لئے مقرره روزی ہے.

**42.** فَوَٰكِهُ وَهُم مُّكۡرَمُونَ ﴿٤٢﴾  
ترجمہ: (ہر طرح کے) میوے، اور وه باعزت واکرام ہوں گے.

**43.** فِي جَنَّٰتِ ٱلنَّعِيمِ ﴿٤٣﴾  
ترجمہ: نعمتوں والی جنتوں میں.

**44.** عَلَىٰ سُرُرٖ مُّتَقَٰبِلِينَ ﴿٤٤﴾  
ترجمہ: تختوں پر ایک دوسرے کے سامنے (بیٹھے) ہوں گے.

**45.** يُطَافُ عَلَيۡهِم بِكَأۡسٖ مِّن مَّعِينِۭ ﴿٤٥﴾  
ترجمہ: جاری شراب کے جام کا ان پر دور چل رہا ہوگا.

**46.** بَيۡضَآءَ لَذَّةٖ لِّلشَّٰرِبِينَ ﴿٤٦﴾  
ترجمہ: جو صاف شفاف اور پینے میں لذیذ ہوگی.

**47.** لَا فِيهَا غَوۡلٞ وَلَا هُمۡ عَنۡهَا يُنزَفُونَ ﴿٤٧﴾  
ترجمہ: نہ اس سے درد سر ہو اور نہ اس کے پینے سے بہکیں.

**48.** وَعِندَهُمۡ قَٰصِرَٰتُ ٱلطَّرۡفِ عِينٞ ﴿٤٨﴾  
ترجمہ: اور ان کے پاس نیچی نظروں، بڑی بڑی آنکھوں والی (حوریں) ہوں گی.

**49.** كَأَنَّهُنَّ بَيۡضٞ مَّكۡنُونٞ ﴿٤٩﴾  
ترجمہ: ایسی جیسے چھپائے ہوئے انڈے.

**50.** فَأَقۡبَلَ بَعۡضُهُمۡ عَلَىٰ بَعۡضٖ يَتَسَآءَلُونَ ﴿٥٠﴾  
ترجمہ: (جنتی) ایک دوسرے کی طرف رخ کرکے پوچھیں گے.

**51.** قَالَ قَآئِلٞ مِّنۡهُمۡ إِنِّي كَانَ لِي قَرِينٞ ﴿٥١﴾  
ترجمہ: ان میں سے ایک کہنے واﻻ کہے گا کہ میرا ایک ساتھی تھا.

**52.** يَقُولُ أَءِنَّكَ لَمِنَ ٱلۡمُصَدِّقِينَ ﴿٥٢﴾  
ترجمہ: جو (مجھ سے) کہا کرتا تھا کہ کیا تو (قیامت کے آنے کا) یقین کرنے والوں میں سے ہے؟

**53.** أَءِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَدِينُونَ ﴿٥٣﴾  
ترجمہ: کیا جب کہ ہم مر کر مٹی اور ہڈی ہو جائیں گے کیا اس وقت ہم جزا دیئے جانے والے ہیں؟

**54.** قَالَ هَلۡ أَنتُم مُّطَّلِعُونَ ﴿٥٤﴾  
ترجمہ: کہے گا تم چاہتے ہو کہ جھانک کر دیکھ لو؟

**55.** فَٱطَّلَعَ فَرَءَاهُ فِي سَوَآءِ ٱلۡجَحِيمِ ﴿٥٥﴾  
ترجمہ: جھانکتے ہی اسے بیچوں بیچ جہنم میں (جلتا ہوا) دیکھے گا.

**56.** قَالَ تَٱللَّهِ إِن كِدتَّ لَتُرۡدِينِ ﴿٥٦﴾  
ترجمہ: کہے گا واللہ! قریب تھا کہ تو مجھے (بھی) برباد کر دے.

**57.** وَلَوۡلَا نِعۡمَةُ رَبِّي لَكُنتُ مِنَ ٱلۡمُحۡضَرِينَ ﴿٥٧﴾  
ترجمہ: اگر میرے رب کا احسان نہ ہوتا تو میں بھی دوزخ میں حاضر کئے جانے والوں میں ہوتا.

**58.** أَفَمَا نَحۡنُ بِمَيِّتِينَ ﴿٥٨﴾  
ترجمہ: کیا (یہ صحیح ہے) کہ ہم مرنے والے ہی نہیں؟

**59.** إِلَّا مَوۡتَتَنَا ٱلۡأُولَىٰ وَمَا نَحۡنُ بِمُعَذَّبِينَ ﴿٥٩﴾  
ترجمہ: بجز پہلی ایک موت کے، اور نہ ہم عذاب کیے جانے والے ہیں.

**60.** إِنَّ هَٰذَا لَهُوَ ٱلۡفَوۡزُ ٱلۡعَظِيمُ ﴿٦٠﴾  
ترجمہ: پھر تو (ﻇاہر بات ہے کہ) یہ بڑی کامیابی ہے.

**61.** لِمِثۡلِ هَٰذَا فَلۡيَعۡمَلِ ٱلۡعَٰمِلُونَ ﴿٦١﴾  
ترجمہ: ایسی (کامیابی) کے لئے عمل کرنے والوں کو عمل کرنا چاہئے.

**62.** أَذَٰلِكَ خَيۡرٞ نُّزُلًا أَمۡ شَجَرَةُ ٱلزَّقُّومِ ﴿٦٢﴾  
ترجمہ: کیا یہ مہمانی اچھی ہے یا سینڈھ (زقوم) کا درخت؟

**63.** إِنَّا جَعَلۡنَٰهَا فِتۡنَةٗ لِّلظَّٰلِمِينَ ﴿٦٣﴾  
ترجمہ: جسے ہم نے ﻇالموں کے لئے سخت آزمائش بنا رکھا ہے.

**64.** إِنَّهَا شَجَرَةٞ تَخۡرُجُ فِيٓ أَصۡلِ ٱلۡجَحِيمِ ﴿٦٤﴾  
ترجمہ: بے شک وه درخت جہنم کی جڑ میں سے نکلتا ہے.

**65.** طَلۡعُهَا كَأَنَّهُۥ رُءُوسُ ٱلشَّيَٰطِينِ ﴿٦٥﴾  
ترجمہ: جس کے خوشے شیطانوں کے سروں جیسے ہوتے ہیں.

**66.** فَإِنَّهُمۡ لَأٓكِلُونَ مِنۡهَا فَمَالِـُٔونَ مِنۡهَا ٱلۡبُطُونَ ﴿٦٦﴾  
ترجمہ: (جہنمی) اسی درخت سے کھائیں گے اور اسی سے پیٹ بھریں گے.

**67.** ثُمَّ إِنَّ لَهُمۡ عَلَيۡهَا لَشَوۡبٗا مِّنۡ حَمِيمٖ ﴿٦٧﴾  
ترجمہ: پھر اس پر گرم جلتے جلتے پانی کی ملونی ہوگی.

**68.** ثُمَّ إِنَّ مَرۡجِعَهُمۡ لَإِلَى ٱلۡجَحِيمِ ﴿٦٨﴾  
ترجمہ: پھر ان سب کا لوٹنا جہنم کی (آگ کے ڈھیرکی) طرف ہوگا.

**69.** إِنَّهُمۡ أَلۡفَوۡاْ ءَابَآءَهُمۡ ضَآلِّينَ ﴿٦٩﴾  
ترجمہ: یقین مانو! کہ انہوں نے اپنے باپ دادا کو بہکا ہوا پایا.

**70.** فَهُمۡ عَلَىٰٓ ءَاثَٰرِهِمۡ يُهۡرَعُونَ ﴿٧٠﴾  
ترجمہ: اور یہ انہی کے نشان قدم پر دوڑتے رہے.

**71.** وَلَقَدۡ ضَلَّ قَبۡلَهُمۡ أَكۡثَرُ ٱلۡأَوَّلِينَ ﴿٧١﴾  
ترجمہ: ان سے پہلے بھی بہت سے اگلے بہک چکے ہیں.

**72.** وَلَقَدۡ أَرۡسَلۡنَا فِيهِم مُّنذِرِينَ ﴿٧٢﴾  
ترجمہ: جن میں ہم نے ڈرانے والے (رسول) بھیجے تھے.

**73.** فَٱنظُرۡ كَيۡفَ كَانَ عَٰقِبَةُ ٱلۡمُنذَرِينَ ﴿٧٣﴾  
ترجمہ: اب تو دیکھ لے کہ جنہیں دھمکایا گیا تھا ان کا انجام کیسا کچھ ہوا.

**74.** إِلَّا عِبَادَ ٱللَّهِ ٱلۡمُخۡلَصِينَ ﴿٧٤﴾  
ترجمہ: سوائے اللہ کے برگزیده بندوں کے.

**75.** وَلَقَدۡ نَادَىٰنَا نُوحٞ فَلَنِعۡمَ ٱلۡمُجِيبُونَ ﴿٧٥﴾  
ترجمہ: اور ہمیں نوح (علیہ السلام) نے پکارا تو (دیکھ لو) ہم کیسے اچھے دعا قبول کرنے والے ہیں.

**76.** وَنَجَّيۡنَٰهُ وَأَهۡلَهُۥ مِنَ ٱلۡكَرۡبِ ٱلۡعَظِيمِ ﴿٧٦﴾  
ترجمہ: ہم نے اسے اور اس کے گھر والوں کو اس زبردست مصیبت سے بچا لیا.

**77.** وَجَعَلۡنَا ذُرِّيَّتَهُۥ هُمُ ٱلۡبَاقِينَ ﴿٧٧﴾  
ترجمہ: اور اس کی اوﻻد کو ہم نے باقی رہنے والی بنا دی.

**78.** وَتَرَكۡنَا عَلَيۡهِ فِي ٱلۡأٓخِرِينَ ﴿٧٨﴾  
ترجمہ: اور ہم نے اس کا (ذکر خیر) پچھلوں میں باقی رکھا.

**79.** سَلَٰمٌ عَلَىٰ نُوحٖ فِي ٱلۡعَٰلَمِينَ ﴿٧٩﴾  
ترجمہ: نوح (علیہ السلام) پر تمام جہانوں میں سلام ہو

**80.** إِنَّا كَذَٰلِكَ نَجۡزِي ٱلۡمُحۡسِنِينَ ﴿٨٠﴾  
ترجمہ: ہم نیکی کرنے والوں کو اسی طرح بدلہ دیتے ہیں.

**81.** إِنَّهُۥ مِنۡ عِبَادِنَا ٱلۡمُؤۡمِنِينَ ﴿٨١﴾  
ترجمہ: وه ہمارے ایمان والے بندوں میں سے تھا.

**82.** ثُمَّ أَغۡرَقۡنَا ٱلۡأٓخَرِينَ ﴿٨٢﴾  
ترجمہ: پھر ہم نے دوسروں کو ڈبو دیا.

**83.** ۞ وَإِنَّ مِن شِيعَتِهِۦ لَإِبۡرَٰهِيمَ ﴿٨٣﴾  
ترجمہ: اور اس (نوح علیہ السلام کی) تابعداری کرنے والوں میں سے (ہی) ابراہیم (علیہ السلام بھی) تھے.

**84.** إِذۡ جَآءَ رَبَّهُۥ بِقَلۡبٖ سَلِيمٍ ﴿٨٤﴾  
ترجمہ: جبکہ اپنے رب کے پاس بے عیب دل ﻻئے.

**85.** إِذۡ قَالَ لِأَبِيهِ وَقَوۡمِهِۦ مَاذَا تَعۡبُدُونَ ﴿٨٥﴾  
ترجمہ: انہوں نے اپنے باپ اور اپنی قوم سے کہا کہ تم کیا پوج رہے ہو؟

**86.** أَئِفۡكًا ءَالِهَةٗ دُونَ ٱللَّهِ تُرِيدُونَ ﴿٨٦﴾  
ترجمہ: کیا تم اللہ کے سوا گھڑے ہوئے معبود چاہتے ہو؟

**87.** فَمَا ظَنُّكُم بِرَبِّ ٱلۡعَٰلَمِينَ ﴿٨٧﴾  
ترجمہ: تو یہ (بتلاؤ کہ) تم نے رب العالمین کو کیا سمجھ رکھا ہے؟

**88.** فَنَظَرَ نَظۡرَةٗ فِي ٱلنُّجُومِ ﴿٨٨﴾  
ترجمہ: اب ابراہیم (علیہ السلام) نے ایک نگاه ستاروں کی طرف اٹھائی.

**89.** فَقَالَ إِنِّي سَقِيمٞ ﴿٨٩﴾  
ترجمہ: اور کہا میں تو بیمار ہوں.

**90.** فَتَوَلَّوۡاْ عَنۡهُ مُدۡبِرِينَ ﴿٩٠﴾  
ترجمہ: اس پر وه سب اس سے منھ موڑے ہوئے واپس چلے گئے.

**91.** فَرَاغَ إِلَىٰٓ ءَالِهَتِهِمۡ فَقَالَ أَلَا تَأۡكُلُونَ ﴿٩١﴾  
ترجمہ: آپ (چﭗ چپاتے) ان کے معبودوں کے پاس گئے اور فرمانے لگے تم کھاتے کیوں نہیں؟

**92.** مَا لَكُمۡ لَا تَنطِقُونَ ﴿٩٢﴾  
ترجمہ: تمہیں کیا ہو گیا کہ بات تک نہیں کرتے ہو.

**93.** فَرَاغَ عَلَيۡهِمۡ ضَرۡبَۢا بِٱلۡيَمِينِ ﴿٩٣﴾  
ترجمہ: پھر تو (پوری قوت کے ساتھ) دائیں ہاتھ سے انہیں مارنے پر پل پڑے.

**94.** فَأَقۡبَلُوٓاْ إِلَيۡهِ يَزِفُّونَ ﴿٩٤﴾  
ترجمہ: وه (بت پرست) دوڑے بھاگے آپ کی طرف متوجہ ہوئے.

**95.** قَالَ أَتَعۡبُدُونَ مَا تَنۡحِتُونَ ﴿٩٥﴾  
ترجمہ: تو آپ نے فرمایا تم انہیں پوجتے ہو جنہیں (خود) تم تراشتے ہو.

**96.** وَٱللَّهُ خَلَقَكُمۡ وَمَا تَعۡمَلُونَ ﴿٩٦﴾  
ترجمہ: حاﻻنکہ تمہیں اور تمہاری بنائی ہوئی چیزوں کو اللہ ہی نے پیدا کیا ہے.

**97.** قَالُواْ ٱبۡنُواْ لَهُۥ بُنۡيَٰنٗا فَأَلۡقُوهُ فِي ٱلۡجَحِيمِ ﴿٩٧﴾  
ترجمہ: وه کہنے لگے اس کے لئے ایک مکان بناؤ اور اس (دہکتی ہوئی) آگ میں اسے ڈال دو.

**98.** فَأَرَادُواْ بِهِۦ كَيۡدٗا فَجَعَلۡنَٰهُمُ ٱلۡأَسۡفَلِينَ ﴿٩٨﴾  
ترجمہ: انہوں نے تو اس (ابراہیم علیہ السلام) کے ساتھ مکر کرنا چاہا لیکن ہم نے انہی کو نیچا کر دیا.

**99.** وَقَالَ إِنِّي ذَاهِبٌ إِلَىٰ رَبِّي سَيَهۡدِينِ ﴿٩٩﴾  
ترجمہ: اور اس (ابراہیم علیہ السلام) نے کہا میں تو ہجرت کر کے اپنے پروردگار کی طرف جانے واﻻ ہوں ۔ وه ضرور میری رہنمائی کرے گا.

**100.** رَبِّ هَبۡ لِي مِنَ ٱلصَّٰلِحِينَ ﴿١٠٠﴾  
ترجمہ: اے میرے رب! مجھے نیک بخت اوﻻد عطا فرما.

**101.** فَبَشَّرۡنَٰهُ بِغُلَٰمٍ حَلِيمٖ ﴿١٠١﴾  
ترجمہ: تو ہم نے اسے ایک بردبار بچے کی بشارت دی.

**102.** فَلَمَّا بَلَغَ مَعَهُ ٱلسَّعۡيَ قَالَ يَٰبُنَيَّ إِنِّيٓ أَرَىٰ فِي ٱلۡمَنَامِ أَنِّيٓ أَذۡبَحُكَ فَٱنظُرۡ مَاذَا تَرَىٰۚ قَالَ يَٰٓأَبَتِ ٱفۡعَلۡ مَا تُؤۡمَرُۖ سَتَجِدُنِيٓ إِن شَآءَ ٱللَّهُ مِنَ ٱلصَّٰبِرِينَ ﴿١٠٢﴾  
ترجمہ: پھر جب وه (بچہ) اتنی عمر کو پہنچا کہ اس کے ساتھ چلے پھرے ، تو اس (ابراہیم علیہ السلام) نے کہا میرے پیارے بچے! میں خواب میں اپنے آپ کو تجھے ذبح کرتے ہوئے دیکھ رہا ہوں۔ اب تو بتا کہ تیری کیا رائے ہے؟ بیٹے نے جواب دیا کہ ابا! جو حکم ہوا ہے اسے بجا ﻻئیے انشاءاللہ آپ مجھے صبر کرنے والوں میں سے پائیں گے.

**103.** فَلَمَّآ أَسۡلَمَا وَتَلَّهُۥ لِلۡجَبِينِ ﴿١٠٣﴾  
ترجمہ: غرض جب دونوں مطیع ہوگئے اور اس نے (باپ نے) اس کو (بیٹے کو) پیشانی کے بل گرا دیا.

**104.** وَنَٰدَيۡنَٰهُ أَن يَٰٓإِبۡرَٰهِيمُ ﴿١٠٤﴾  
ترجمہ: تو ہم نے آواز دی کہ اے ابراہیم!

**105.** قَدۡ صَدَّقۡتَ ٱلرُّءۡيَآۚ إِنَّا كَذَٰلِكَ نَجۡزِي ٱلۡمُحۡسِنِينَ ﴿١٠٥﴾  
ترجمہ: یقیناً تو نے اپنے خواب کو سچا کر دکھایا ، بیشک ہم نیکی کرنے والوں کو اسی طرح جزا دیتے ہیں.

**106.** إِنَّ هَٰذَا لَهُوَ ٱلۡبَلَٰٓؤُاْ ٱلۡمُبِينُ ﴿١٠٦﴾  
ترجمہ: درحقیقت یہ کھلا امتحان تھا.

**107.** وَفَدَيۡنَٰهُ بِذِبۡحٍ عَظِيمٖ ﴿١٠٧﴾  
ترجمہ: اور ہم نے ایک بڑا ذبیحہ اس کے فدیہ میں دے دیا.

**108.** وَتَرَكۡنَا عَلَيۡهِ فِي ٱلۡأٓخِرِينَ ﴿١٠٨﴾  
ترجمہ: اور ہم نے ان کا ذکر خیر پچھلوں میں باقی رکھا.

**109.** سَلَٰمٌ عَلَىٰٓ إِبۡرَٰهِيمَ ﴿١٠٩﴾  
ترجمہ: ابراہیم (علیہ السلام) پر سلام ہو.

**110.** كَذَٰلِكَ نَجۡزِي ٱلۡمُحۡسِنِينَ ﴿١١٠﴾  
ترجمہ: ہم نیکو کاروں کو اسی طرح بدلہ دیتے ہیں.

**111.** إِنَّهُۥ مِنۡ عِبَادِنَا ٱلۡمُؤۡمِنِينَ ﴿١١١﴾  
ترجمہ: بیشک وه ہمارے ایمان دار بندوں میں سے تھا.

**112.** وَبَشَّرۡنَٰهُ بِإِسۡحَٰقَ نَبِيّٗا مِّنَ ٱلصَّٰلِحِينَ ﴿١١٢﴾  
ترجمہ: اور ہم نے اس کو اسحاق (علیہ السلام) نبی کی بشارت دی جو صالح لوگوں میں سے ہوگا.

**113.** وَبَٰرَكۡنَا عَلَيۡهِ وَعَلَىٰٓ إِسۡحَٰقَۚ وَمِن ذُرِّيَّتِهِمَا مُحۡسِنٞ وَظَالِمٞ لِّنَفۡسِهِۦ مُبِينٞ ﴿١١٣﴾  
ترجمہ: اور ہم نے ابراہیم واسحاق (علیہ السلام) پر برکتیں نازل فرمائیں ، اور ان دونوں کی اوﻻد میں بعضے تو نیک بخت ہیں اور بعض اپنے نفس پر صریح ﻇلم کرنے والے ہیں.

**114.** وَلَقَدۡ مَنَنَّا عَلَىٰ مُوسَىٰ وَهَٰرُونَ ﴿١١٤﴾  
ترجمہ: یقیناً ہم نے موسیٰ اور ہارون (علیہ السلام) پر بڑا احسان کیا.

**115.** وَنَجَّيۡنَٰهُمَا وَقَوۡمَهُمَا مِنَ ٱلۡكَرۡبِ ٱلۡعَظِيمِ ﴿١١٥﴾  
ترجمہ: اور انہیں اور ان کی قوم کو بہت بڑے دکھ درد سے نجات دے دی.

**116.** وَنَصَرۡنَٰهُمۡ فَكَانُواْ هُمُ ٱلۡغَٰلِبِينَ ﴿١١٦﴾  
ترجمہ: اور ان کی مدد کی تو وہی غالب رہے.

**117.** وَءَاتَيۡنَٰهُمَا ٱلۡكِتَٰبَ ٱلۡمُسۡتَبِينَ ﴿١١٧﴾  
ترجمہ: اور ہم نے انہیں (واضح اور) روشن کتاب دی.

**118.** وَهَدَيۡنَٰهُمَا ٱلصِّرَٰطَ ٱلۡمُسۡتَقِيمَ ﴿١١٨﴾  
ترجمہ: اور انہیں سیدھے راستہ پرقائم رکھا.

**119.** وَتَرَكۡنَا عَلَيۡهِمَا فِي ٱلۡأٓخِرِينَ ﴿١١٩﴾  
ترجمہ: اور ہم نے ان دونوں کے لئے پیچھے آنے والوں میں یہ بات باقی رکھی.

**120.** سَلَٰمٌ عَلَىٰ مُوسَىٰ وَهَٰرُونَ ﴿١٢٠﴾  
ترجمہ: کہ موسیٰ اور ہارون (علیہما السلام) پر سلام ہو.

**121.** إِنَّا كَذَٰلِكَ نَجۡزِي ٱلۡمُحۡسِنِينَ ﴿١٢١﴾  
ترجمہ: بے شک ہم نیک لوگوں کو اسی طرح بدلے دیا کرتے ہیں.

**122.** إِنَّهُمَا مِنۡ عِبَادِنَا ٱلۡمُؤۡمِنِينَ ﴿١٢٢﴾  
ترجمہ: یقیناً یہ دونوں ہمارے مومن بندوں میں سے تھے.

**123.** وَإِنَّ إِلۡيَاسَ لَمِنَ ٱلۡمُرۡسَلِينَ ﴿١٢٣﴾  
ترجمہ: بے شک الیاس (علیہ السلام) بھی پیغمبروں میں سے تھے

**124.** إِذۡ قَالَ لِقَوۡمِهِۦٓ أَلَا تَتَّقُونَ ﴿١٢٤﴾  
ترجمہ: جب کہ انہوں نے اپنی قوم سے فرمایا کہ تم اللہ سے ڈرتے نہیں ہو؟

**125.** أَتَدۡعُونَ بَعۡلٗا وَتَذَرُونَ أَحۡسَنَ ٱلۡخَٰلِقِينَ ﴿١٢٥﴾  
ترجمہ: کیا تم بعل (نامی بت) کو پکارتے ہو؟ اور سب سے بہتر خالق کو چھوڑ دیتے ہو؟

**126.** ٱللَّهَ رَبَّكُمۡ وَرَبَّ ءَابَآئِكُمُ ٱلۡأَوَّلِينَ ﴿١٢٦﴾  
ترجمہ: اللہ جو تمہارا اور تمہارے اگلے تمام باپ دادوں کا رب ہے.

**127.** فَكَذَّبُوهُ فَإِنَّهُمۡ لَمُحۡضَرُونَ ﴿١٢٧﴾  
ترجمہ: لیکن قوم نے انہیں جھٹلایا، پس وه ضرور (عذاب میں) حاضر رکھے جائیں گے.

**128.** إِلَّا عِبَادَ ٱللَّهِ ٱلۡمُخۡلَصِينَ ﴿١٢٨﴾  
ترجمہ: سوائے اللہ تعالی کے مخلص بندوں کے.

**129.** وَتَرَكۡنَا عَلَيۡهِ فِي ٱلۡأٓخِرِينَ ﴿١٢٩﴾  
ترجمہ: ہم نے (الیاس علیہ السلام) کا ذکر خیر پچھلوں میں بھی باقی رکھا.

**130.** سَلَٰمٌ عَلَىٰٓ إِلۡ يَاسِينَ ﴿١٣٠﴾  
ترجمہ: کہ الیاس پر سلام ہو.

**131.** إِنَّا كَذَٰلِكَ نَجۡزِي ٱلۡمُحۡسِنِينَ ﴿١٣١﴾  
ترجمہ: ہم نیکی کرنے والوں کو اسی طرح بدلہ دیتے ہیں۔

**132.** إِنَّهُۥ مِنۡ عِبَادِنَا ٱلۡمُؤۡمِنِينَ ﴿١٣٢﴾  
ترجمہ: بیشک وه ہمارے ایمان دار بندوں میں سے تھے.

**133.** وَإِنَّ لُوطٗا لَّمِنَ ٱلۡمُرۡسَلِينَ ﴿١٣٣﴾  
ترجمہ: بیشک لوط (علیہ السلام بھی) پیغمبروں میں سے تھے.

**134.** إِذۡ نَجَّيۡنَٰهُ وَأَهۡلَهُۥٓ أَجۡمَعِينَ ﴿١٣٤﴾  
ترجمہ: ہم نے انہیں اور ان کے گھر والوں کو سب کو نجات دی.

**135.** إِلَّا عَجُوزٗا فِي ٱلۡغَٰبِرِينَ ﴿١٣٥﴾  
ترجمہ: بجز اس بڑھیا کے جو پیچھے ره جانے والوں میں سے ره گئی.

**136.** ثُمَّ دَمَّرۡنَا ٱلۡأٓخَرِينَ ﴿١٣٦﴾  
ترجمہ: پھر ہم نے اوروں کو ہلاک کر دیا.

**137.** وَإِنَّكُمۡ لَتَمُرُّونَ عَلَيۡهِم مُّصۡبِحِينَ ﴿١٣٧﴾  
ترجمہ: اور تم تو صبح ہونے پر ان کی بستیوں کے پاس سے گزرتے ہو.

**138.** وَبِٱلَّيۡلِۚ أَفَلَا تَعۡقِلُونَ ﴿١٣٨﴾  
ترجمہ: اور رات کو بھی، کیا پھر بھی نہیں سمجھتے؟

**139.** وَإِنَّ يُونُسَ لَمِنَ ٱلۡمُرۡسَلِينَ ﴿١٣٩﴾  
ترجمہ: اور بلاشبہ یونس (علیہ السلام) نبیوں میں سے تھے.

**140.** إِذۡ أَبَقَ إِلَى ٱلۡفُلۡكِ ٱلۡمَشۡحُونِ ﴿١٤٠﴾  
ترجمہ: جب بھاگ کر پہنچے بھری کشتی پر.

**141.** فَسَاهَمَ فَكَانَ مِنَ ٱلۡمُدۡحَضِينَ ﴿١٤١﴾  
ترجمہ: پھر قرعہ اندازی ہوئی تو یہ مغلوب ہوگئے.

**142.** فَٱلۡتَقَمَهُ ٱلۡحُوتُ وَهُوَ مُلِيمٞ ﴿١٤٢﴾  
ترجمہ: تو پھر انہیں مچھلی نے نگل لیا اور وه خود اپنے آپ کو ملامت کرنے لگ گئے.

**143.** فَلَوۡلَآ أَنَّهُۥ كَانَ مِنَ ٱلۡمُسَبِّحِينَ ﴿١٤٣﴾  
ترجمہ: پس اگر یہ پاکی بیان کرنے والوں میں سے نہ ہوتے.

**144.** لَلَبِثَ فِي بَطۡنِهِۦٓ إِلَىٰ يَوۡمِ يُبۡعَثُونَ ﴿١٤٤﴾  
ترجمہ: تو لوگوں کے اٹھائے جانے کے دن تک اس کے پیٹ میں ہی رہتے.

**145.** ۞ فَنَبَذۡنَٰهُ بِٱلۡعَرَآءِ وَهُوَ سَقِيمٞ ﴿١٤٥﴾  
ترجمہ: پس انہیں ہم نے چٹیل میدان میں ڈال دیا اور وه اس وقت بیمار تھے.

**146.** وَأَنۢبَتۡنَا عَلَيۡهِ شَجَرَةٗ مِّن يَقۡطِينٖ ﴿١٤٦﴾  
ترجمہ: اور ان پر سایہ کرنے واﻻ ایک بیل دار درخت ہم نے اگا دیا.

**147.** وَأَرۡسَلۡنَٰهُ إِلَىٰ مِاْئَةِ أَلۡفٍ أَوۡ يَزِيدُونَ ﴿١٤٧﴾  
ترجمہ: اور ہم نے انہیں ایک لاکھ بلکہ اور زیاده آدمیوں کی طرف بھیجا.

**148.** فَـَٔامَنُواْ فَمَتَّعۡنَٰهُمۡ إِلَىٰ حِينٖ ﴿١٤٨﴾  
ترجمہ: پس وه ایمان ﻻئے ، اور ہم نے انہیں ایک زمانہ تک عیش وعشرت دی.

**149.** فَٱسۡتَفۡتِهِمۡ أَلِرَبِّكَ ٱلۡبَنَاتُ وَلَهُمُ ٱلۡبَنُونَ ﴿١٤٩﴾  
ترجمہ: ان سے دریافت کیجئے! کہ کیا آپ کے رب کی تو بیٹیاں ہیں اور ان کے بیٹے ہیں؟

**150.** أَمۡ خَلَقۡنَا ٱلۡمَلَٰٓئِكَةَ إِنَٰثٗا وَهُمۡ شَٰهِدُونَ ﴿١٥٠﴾  
ترجمہ: یا یہ اس وقت موجود تھے جبکہ ہم نے فرشتوں کو مؤنﺚ پیدا کیا.

**151.** أَلَآ إِنَّهُم مِّنۡ إِفۡكِهِمۡ لَيَقُولُونَ ﴿١٥١﴾  
ترجمہ: آگاه رہو! کہ یہ لوگ صرف اپنی افترا پردازی سے کہہ رہے ہیں.

**152.** وَلَدَ ٱللَّهُ وَإِنَّهُمۡ لَكَٰذِبُونَ ﴿١٥٢﴾  
ترجمہ: کہ اللہ تعالی کی اوﻻد ہے۔ یقیناً یہ محض جھوٹے ہیں.

**153.** أَصۡطَفَى ٱلۡبَنَاتِ عَلَى ٱلۡبَنِينَ ﴿١٥٣﴾  
ترجمہ: کیا اللہ تعالی نے اپنے لیے بیٹیوں کو بیٹوں پر ترجیح دی.

**154.** مَا لَكُمۡ كَيۡفَ تَحۡكُمُونَ ﴿١٥٤﴾  
ترجمہ: تمہیں کیا ہو گیا ہے کیسے حکم لگاتے پھرتے ہو؟

**155.** أَفَلَا تَذَكَّرُونَ ﴿١٥٥﴾  
ترجمہ: کیا تم اس قدر بھی نہیں سمجھتے؟

**156.** أَمۡ لَكُمۡ سُلۡطَٰنٞ مُّبِينٞ ﴿١٥٦﴾  
ترجمہ: یا تمہارے پاس اس کی کوئی صاف دلیل ہے.

**157.** فَأۡتُواْ بِكِتَٰبِكُمۡ إِن كُنتُمۡ صَٰدِقِينَ ﴿١٥٧﴾  
ترجمہ: تو جاؤ اگر سچے ہو تو اپنی ہی کتاب لے آؤ.

**158.** وَجَعَلُواْ بَيۡنَهُۥ وَبَيۡنَ ٱلۡجِنَّةِ نَسَبٗاۚ وَلَقَدۡ عَلِمَتِ ٱلۡجِنَّةُ إِنَّهُمۡ لَمُحۡضَرُونَ ﴿١٥٨﴾  
ترجمہ: اور ان لوگوں نے تو اللہ کے اور جنات کے درمیان بھی قرابت داری ٹھہرائی ہے، اور حاﻻنکہ خود جنات کو معلوم ہے کہ وه (اس عقیده کے لوگ عذاب کے سامنے) پیش کیے جائیں گے.

**159.** سُبۡحَٰنَ ٱللَّهِ عَمَّا يَصِفُونَ ﴿١٥٩﴾  
ترجمہ: جو کچھ یہ (اللہ کے بارے میں) بیان کر رہے ہیں اس سے اللہ تعالیٰ بالکل پاک ہے.

**160.** إِلَّا عِبَادَ ٱللَّهِ ٱلۡمُخۡلَصِينَ ﴿١٦٠﴾  
ترجمہ: سوائے! اللہ کے مخلص بندوں کے.

**161.** فَإِنَّكُمۡ وَمَا تَعۡبُدُونَ ﴿١٦١﴾  
ترجمہ: یقین مانو کہ تم سب اور تمہارے معبودان (باطل).

**162.** مَآ أَنتُمۡ عَلَيۡهِ بِفَٰتِنِينَ ﴿١٦٢﴾  
ترجمہ: کسی ایک کو بھی بہکا نہیں سکتے.

**163.** إِلَّا مَنۡ هُوَ صَالِ ٱلۡجَحِيمِ ﴿١٦٣﴾  
ترجمہ: بجز اس کے جو جہنمی ہی ہے.

**164.** وَمَا مِنَّآ إِلَّا لَهُۥ مَقَامٞ مَّعۡلُومٞ ﴿١٦٤﴾  
ترجمہ: (فرشتوں کا قول ہے کہ) ہم میں سے تو ہر ایک کی جگہ مقرر ہے.

**165.** وَإِنَّا لَنَحۡنُ ٱلصَّآفُّونَ ﴿١٦٥﴾  
ترجمہ: اور ہم تو (بندگیٴ الٰہی میں) صف بستہ کھڑے ہیں.

**166.** وَإِنَّا لَنَحۡنُ ٱلۡمُسَبِّحُونَ ﴿١٦٦﴾  
ترجمہ: اور اس کی تسبیح بیان کر رہے ہیں.

**167.** وَإِن كَانُواْ لَيَقُولُونَ ﴿١٦٧﴾  
ترجمہ: کفار تو کہا کرتے تھے.

**168.** لَوۡ أَنَّ عِندَنَا ذِكۡرٗا مِّنَ ٱلۡأَوَّلِينَ ﴿١٦٨﴾  
ترجمہ: کہ اگر ہمارے سامنے اگلے لوگوں کا ذکر ہوتا.

**169.** لَكُنَّا عِبَادَ ٱللَّهِ ٱلۡمُخۡلَصِينَ ﴿١٦٩﴾  
ترجمہ: تو ہم بھی اللہ کے چیده بندے بن جاتے.

**170.** فَكَفَرُواْ بِهِۦۖ فَسَوۡفَ يَعۡلَمُونَ ﴿١٧٠﴾  
ترجمہ: لیکن پھر اس قرآن کے ساتھ کفر کر گئے ، پس اب عنقریب جان لیں گے.

**171.** وَلَقَدۡ سَبَقَتۡ كَلِمَتُنَا لِعِبَادِنَا ٱلۡمُرۡسَلِينَ ﴿١٧١﴾  
ترجمہ: اور البتہ ہمارا وعده پہلے ہی اپنے رسولوں کے لئے صادر ہو چکا ہے.

**172.** إِنَّهُمۡ لَهُمُ ٱلۡمَنصُورُونَ ﴿١٧٢﴾  
ترجمہ: کہ یقیناً وه ہی مدد کیے جائیں گے.

**173.** وَإِنَّ جُندَنَا لَهُمُ ٱلۡغَٰلِبُونَ ﴿١٧٣﴾  
ترجمہ: اور ہمارا ہی لشکر غالب (اور برتر) رہے گا.

**174.** فَتَوَلَّ عَنۡهُمۡ حَتَّىٰ حِينٖ ﴿١٧٤﴾  
ترجمہ: اب آپ کچھ دنوں تک ان سے منھ پھیر لیجئے.

**175.** وَأَبۡصِرۡهُمۡ فَسَوۡفَ يُبۡصِرُونَ ﴿١٧٥﴾  
ترجمہ: اور انہیں دیکھتے رہیئے ، اور یہ بھی آگے چل کر دیکھ لیں گے.

**176.** أَفَبِعَذَابِنَا يَسۡتَعۡجِلُونَ ﴿١٧٦﴾  
ترجمہ: کیا یہ ہمارے عذاب کی جلدی مچا رہے ہیں؟

**177.** فَإِذَا نَزَلَ بِسَاحَتِهِمۡ فَسَآءَ صَبَاحُ ٱلۡمُنذَرِينَ ﴿١٧٧﴾  
ترجمہ: سنو! جب ہمارا عذاب ان کے میدان میں اتر آئے گا اس وقت ان کی جن کو متنبہ کر دیا گیا تھا بڑی بری صبح ہوگی.

**178.** وَتَوَلَّ عَنۡهُمۡ حَتَّىٰ حِينٖ ﴿١٧٨﴾  
ترجمہ: آپ کچھ وقت تک ان کا خیال چھوڑ دیجئے.

**179.** وَأَبۡصِرۡ فَسَوۡفَ يُبۡصِرُونَ ﴿١٧٩﴾  
ترجمہ: اور دیکھتے رہئیے یہ بھی ابھی ابھی دیکھ لیں گے.

**180.** سُبۡحَٰنَ رَبِّكَ رَبِّ ٱلۡعِزَّةِ عَمَّا يَصِفُونَ ﴿١٨٠﴾  
ترجمہ: پاک ہے آپ کا رب جو بہت بڑی عزت واﻻ ہے ہر اس چیز سے (جو مشرک) بیان کرتے ہیں.

**181.** وَسَلَٰمٌ عَلَى ٱلۡمُرۡسَلِينَ ﴿١٨١﴾  
ترجمہ: پیغمبروں پر سلام ہے.

**182.** وَٱلۡحَمۡدُ لِلَّهِ رَبِّ ٱلۡعَٰلَمِينَ ﴿١٨٢﴾  
ترجمہ: اور سب طرح کی تعریف اللہ کے لئے ہے جو سارے جہان کا رب ہے.

## ایک نظر میں

- **سورت نمبر:** 37 از 114
- **نام کے معنی:** صف باندھنے والے
- **آیات:** 182
- **مقامِ نزول:** مکہ
- **ترتیبِ نزول:** 56
- **پارہ:** 23

## سورۃ الصافات کا تعارف

سورت کا نام پہلی آیت میں آنے والے لفظ ”الصافات“ سے لیا گیا ہے، جس کا مطلب ”صفیں باندھنے والے“ ہے۔ اکثر مفسرین کے مطابق اس سے وہ فرشتے مراد ہیں جو اللہ کے حکم کے انتظار میں صفیں باندھے کھڑے ہیں۔

یہ سورت مکہ میں نازل ہوئی اور اس کی 182 آیات ہیں۔ مصحف میں اس کا نمبر 37 ہے اور یہ 23 پارے میں ہے؛ نزول کی ترتیب میں 56 سورت ہے۔ آیات کی تعداد زیادہ ہے، لیکن آیات مختصر اور پُرآہنگ ہیں۔ حضرت ابراہیم کا خواب میں اپنے بیٹے کو قربان کرتے دیکھنا، باپ اور بیٹے کا اللہ کے حکم کے آگے سر تسلیم خم کرنا، اور بیٹے کے بدلے ایک بڑی قربانی کا فدیہ دیا جانا اس سورت کی 102-107 آیات میں بیان ہوا ہے۔

## سورۃ الصافات کا شانِ نزول

یہ سورت مکی دور کے درمیانی زمانے میں ایسے ماحول میں نازل ہوئی جب مشرکین اللہ کے ساتھ شریک ٹھہراتے، فرشتوں کو اللہ کی بیٹیاں سمجھتے، جنوں اور اللہ کے درمیان نسبی تعلق قائم کرتے، اور مرنے کے بعد دوبارہ زندہ ہونے کا مذاق اڑاتے تھے۔ مشرکین نبی کریم ﷺ کو شاعر اور مجنون کہہ کر آپ اور آپ کے لائے ہوئے پیغام کو حقیر سمجھتے تھے۔

سورت ان دعووں کو رد کرتی ہے، اور پچھلے انبیاء کے قصوں کے ذریعے یاد دلاتی ہے کہ حق کی تبلیغ کرنے والے آخرکار نجات پاتے ہیں اور جھٹلانے والے ہلاک ہوتے ہیں؛ اس طرح نبی کریم ﷺ اور اہل ایمان کو تسلی دیتی ہے۔ اس سورت کے لیے کوئی مخصوص سبب نزول معلوم نہیں، جسے ماخذ میں عام قبولیت حاصل ہو۔

## سورۃ الصافات کے موضوعات

سورت صفیں باندھنے والے فرشتوں کی قسم کھاکر بتاتی ہے کہ معبود ایک ہے۔ بیان ہوا ہے کہ قریب کا آسمان ستاروں سے آراستہ ہے، اور چپکے سے باتیں سننے کی کوشش کرنے والے شیاطین کو بھگا دیا جاتا ہے۔ قیامت کے دن دوبارہ زندہ ہونے کا انکار کرنے والوں کی حالت، ان کا ایک دوسرے کو الزام دینا، اور جہنم کا زقوم کا درخت بیان ہوا ہے۔ جنت میں ایک مومن کا اپنے اس ساتھی کو جہنم کے بیچ دیکھنا جو دنیا میں اسے دوبارہ زندہ ہونے کے انکار کی دعوت دیتا تھا، ایک عبرت ناک منظر کے طور پر آتا ہے۔

پھر انبیاء کے قصے ہیں: حضرت نوح کی نجات؛ حضرت ابراہیم کا بت توڑنا، آگ سے بچایا جانا، اور بیٹے کی قربانی کے امتحان میں فرمانبرداری؛ حضرت موسیٰ اور ہارون، حضرت الیاس، حضرت لوط اور حضرت یونس، جنہیں مچھلی نے نگل لیا تھا۔ اکثر قصوں کے آخر میں اس نبی پر سلام بھیجا گیا ہے۔ اس کے بعد فرشتوں کے اللہ کی بیٹیاں ہونے کے دعوے کو رد کیا گیا ہے۔ سورت انبیاء سے کیے گئے فتح کے وعدے کی یاد دہانی کرتی ہے؛ اللہ کو ان کی بیان کردہ صفات سے پاک قرار دیتے، انبیاء پر سلام اور رب العالمین کی حمد کرتے ہوئے ختم ہوتی ہے۔

## سورۃ الصافات کے فضائل

سورۂ صافات کی تلاوت کے ثواب کے بارے میں کوئی صحیح روایت معلوم نہیں۔ نسائی کی عبداللہ بن عمر سے نقل کے مطابق نبی کریم ﷺ نماز ہلکی رکھنے کا حکم دیتے تھے، اور خود امامت کرتے تو سورۂ صافات پڑھتے تھے۔ البانی نے اس روایت کی سند کو حسن کہا ہے۔

سورت کی آخری تین آیات عوام میں نماز کی تسبیحات اور دعاؤں اور مجلسوں کے اختتام پر پڑھی جاتی ہیں۔ اس عمل کی دلیل کے طور پر پیش کی جانے والی احادیث ضعیف ہیں: نبی کریم ﷺ کے ان آیات کو نماز کے آخر میں پڑھنے کی ابو یعلیٰ کی روایت کی سند کو ابن کثیر نے ضعیف پایا ہے، اور مجلس کے اختتام پر پڑھنے کی تلقین کرنے والی اور شعبی کی مرسل نقل کردہ حدیث کو البانی نے ضعیف کہا ہے۔

دماغی تکلیف میں مبتلا شخص پر دوسری آیات کے ساتھ اس سورت کی پہلی دس آیات پڑھے جانے کا ذکر کرنے والی ابن ماجہ کی روایت کو البانی نے منکر کہا ہے، اور پڑھنے والے کو جنوں اور شیاطین کی تعداد کے برابر ثواب کا وعدہ دینے والی تفسیری روایت کو طرابلسی نے بے اصل قرار دیا ہے۔

سورت کے بارے میں یہ تحریریں Yasin Suresi ایپ کے لیے لکھی گئی ہیں۔

## سورۃ الصافات کی دعائیں

- [رب ہب لی من الصالحین سورۃ الصافات، آیت 100](https://yasinsurah.com/ur/dua/rabbi-hab-li-minas-salihin/)
- [سبحان ربک سورۃ الصافات، آیات 180-182](https://yasinsurah.com/ur/dua/subhana-rabbika/)

## سورۃ الصافات کے بارے میں عام سوالات

### سورۃ الصافات میں کتنی آیات ہیں؟

سورۃ الصافات میں 182 آیات ہیں۔

### الصافات کا کیا مطلب ہے؟

الصافات کا مطلب ہے: ”صف باندھنے والے“۔

### سورۃ الصافات مکی ہے یا مدنی؟

سورۃ الصافات مکی سورت ہے جو مکہ میں نازل ہوئی۔ ترتیبِ نزول میں یہ سورت نمبر 56 ہے۔

### سورۃ الصافات کس پارے میں ہے؟

سورۃ الصافات پارہ 23 میں ہے۔

### سورۃ الصافات قرآن مجید میں کہاں ہے؟

سورۃ الصافات قرآن مجید کی سورت نمبر 37 ہے۔ یہ سورۃ یس کے بعد اور سورۃ ص سے پہلے آتی ہے۔

### کیا یہاں سورۃ الصافات کی تلاوت سنی جا سکتی ہے؟

جی ہاں۔ آیات کے نیچے موجود پلیئر میں سورۃ الصافات کی تلاوت 9 مشہور قاریوں کی آواز میں ہے؛ تلاوت کے دوران پڑھی جانے والی آیت فہرست میں نمایاں ہو جاتی ہے۔

- [پچھلی سورت 36. یس](https://yasinsurah.com/ur/)
- [اگلی سورت 38. ص](https://yasinsurah.com/ur/surah-sad/)

## سورۃ یٰسٓ ایپ

یٰسٓ اور پورا قرآن مجید 11 زبانوں میں ترجمے کے ساتھ پڑھیں، نو قاریوں کی آواز میں آیت بہ آیت سنیں اور اپنے بک مارکس فون پر محفوظ رکھیں۔

[App Store](https://apps.apple.com/pk/app/id6443493408) [Google Play](https://play.google.com/store/apps/details?id=tr.gen.suresi.yasin&hl=ur)
